Almatyda 30 jeltoqsan kúni ótetin, basty aıqasqa Fırýza Sháripova qatysatyn jekpe-jek keshinde óner kórsetetin jeńilmeıtin qazaqstandyq Álı Ahmedovtyń qarsylasy belgili boldy, dep habarlaıdy Qamshy.kz aqparat agenttigi Sports.kz caıtyna silteme jasaı otyryp. Qazaqstandyq sportshy qyzdyń baspasóz qyzmeti Ahmetovke 28 jastaǵy ázerbaıjan boksshysy Ismat Eınýllaev qarsylas bolatynyn habarlady.

«Bizdiń Álıdiń qarsylasy Ázerbaıjannan keletin Ismat Eınýllaev. Jasy 28-de. Ol 14 jekpe-jek ótkizip, sonyń 12-sinde jeńgen, eki ret jeńilgen. Ismat buryn birinshi orta salmaqta óner kórsetken. Biraq ol jas, jetile túsip, jartylaı aýyr salmaqqa ótti. Bul boksshyny egjeı-tegjeıli zerttegen joqpyz, munda sharshy alańǵa shyǵyp, jeńý qajet. Keleside Álı Ahmedovpen NVO kelisim jasasýǵa múddeli bolyp otyr. Sonan soń bizdiń boksshyǵa aty shyqqan sportshylarmen kezdesý ótkizýdiń sáti túsedi», — deıdi onyń bapkeri Saǵatbek Musahanov.

Eske sala keteıik, Álı Ahmedov kásipqoı rıngtegi debútin 2016 jyldyń mamyrynda ótkizgen bolatyn. Sodan bergi on jekpe-jeginiń bárinde jeńiske jetti. Onyń altaýyn merziminen buryn aıaqtady. Jartylaı aýyr salmaqtaǵy NABF Junior jáne WBC Youth tıtýldary úshin 2017 jylǵy 8 jeltoqsanda ótken sońǵy jekpe-jeginde 22 jastaǵy qazaqstandyq boksshy amerıkalyq Deshon Vebsterdi tize búktirgen edi.

Jekpe-jek keshiniń basty aıqasynda Fırýza Sháripova belgıalyq Djemılla Gontarúkpen ekinshi jartylaı jeńil salmaqta IBO nusqasy boıynsha álem chempıony tıtýly men WBC Silver beldigi úshin kúsh synasady. Eger jeńiske jetse, eki salmaq kategorıasyndaǵy qazirgi álem chempıony atanady.