Almaty İİD turǵyndardy aldap, olardyń senimine kirgen 1983 jylǵy áıeldi ustady. Ol kepildikte turǵan úılerdi satyp, 30 myń AQSH dollaryn zańsyz jolmen qaltasyna basqan, dep jazady Qamshy.kz aqparat agenttigi.
«34 jastaǵy áıel satyp alýshylarǵa úıdi ekinshi deńgeıli bankterden de arzan baǵaǵa beretinin aıtyp, san soqtyrdy. Onyń ústine, ózi usynǵan úılerdi az ýaqyttyń ishinde jáne naryq baǵasynan 70 paıyzǵa tómen bolatyndyǵyn aıtqan. Úı satyp alǵysy kelgender, aldymen kereki qujattardy jınap, artynan 2 myń dollardy alaıaq áıeldiń shotyna aýdarýǵa mindetti bolǵan.
Shotqa aýdarylǵan aqshany alǵan azamatsha K. klıentterinen qashyp, kózden tasa bolǵan. Tergeý barysynda, áıeldiń bank salasyna eshqandaı da qatysy bolmaǵandyǵy anyqtalǵan. Osyǵan oraı, ol jasaǵan áreketter QR qylmystyq kodeksiniń 193 babynyń 3 tarmaǵy boıynsha, «alaıaqtyq jasady» degen aıyppen tirkeldi. Ustalǵan áıel ózi jasaǵan áreketterin tolyq moıyndap otyr.
Qazirgi kezde oǵan shaǵymy bar 5 adam polısıaǵa keldi. Degenmen, qalada dál osyǵan uqsaıtyn 16 oqıǵa tirkelgen»,- dep málimdedi Bostandyq aýdanynyń ishki ister basshysy, polısıa podpolkovnıgi Dáýren Ýtebaev.
