2017 jylǵy 21 jeltoqsanda QR Ulttyq kitaphanasynyń N.Dáýletova atyndaǵy zalynda Elbasynyń «Bolashaqqa baǵdar: rýhanı jańǵyrý» baǵdarlamasy aıasynda qazaqtyń kemeńger jazýshysy Muhtar Áýezovtiń 120 jyldyǵyna arnalǵan «Qazaqtyń Uly jazýshysy» atty kesh ótti, dep habarlaıdy Qamshy.kz aqparat agenttigi.
Atalǵan is-shara Rýhanı jańǵyrý aıasynda Uly jazýshynyń ádebı murasyn zerttep jáne M. Áýezovtiń shyǵarmashylyǵyn nasıhattaý maqsatynda ótkizildi.
Qazaqstannyń túkpir-túkpirinde jyl boıy jazýshynyń mereıtoıyna arnalǵan túrli is-sharalar atalyp ótkizildi. Sonymen qatar, shet memleketter − Qyrǵyzstan, Túrkıa, Reseı, Ózbekstanda keń kólemde atap ótildi. QR Ulttyq kitaphanasynyń tórinde ótkiziletin bul kesh – osy mereıtoılyq jyldy qorytyndylaıtyn is-shara, dep aıtyp ótti óz sózinde Murat Áýezov.
Aıta ketsek, 2015 jyldan bastap «Muhtar Áýezov álemi» atty tolyqmátindi elektrondyq kitaphanasy Qazaqstan Respýblıkasy Ulttyq kitaphanasynyń saıtynda ornalasqan. Aqparattyq resýrstyń negizgi maqsaty – Muhtar Áýezovtiń ádebı murasyna biryńǵaı qoljetimdilikti qamtamasyz etý, álemdik jáne otandyq qaýymdastyqtardy qazaq klassıginiń shyǵarmashylyǵymen tanystyrý, uly jazýshynyń ómiri men qyzmeti týraly bilimderin keńeıtý.
Jazýshynyń týǵan kúnine oraı Almaty oblysynyń Kerbulaq aýdanyndaǵy Nurym aýylynda «Áýezov» baǵy ashyldy.
Kesh barysynda estelik-suhbat, ashyq áńgime otyrysy jáne Murat Áýezovtiń «Vremen svázýıýshaıa nıt», «Dilim» atty jańa kitaptarynyń tusaýkeseri ótedi. Qos kitaptyń tusaýyn Smaǵul Elýbaı men Baqytjan Qanapıanov kesti.
Keshke Murat Áýezov, Smaǵul Elýbaı, Dýlat Isabekov, Baqytjan Qanapıanov, Safar Abdýllo, Marat Sembın, Dıar Qonaev, Svetlana Ananeva jáne qoǵam qaıratkerleri, belgili jazýshylar, ádebıetshiler, jazýshynyń týǵan - týystary men kitaphana qyzmetkerleri, oqyrmandar men BAQ ókilderi qatysty.
