Keshe Almatyda The Qazaq Times aqparattyq, qoǵamdyq-saıası portalynyń qurylǵanyna bir jyl tolýyna oraı «Aqparat aıdynynda bir jyl: Qazaqstan kontentinde táýelsiz BAQ qalyptastyrýdyń tájirıbeleri men problemasy» atty dóńgelek ústeli ótti, dep jazady Qamshy.kz aqparat agenttigi. 

The Qazaq Times aqparattyq qoǵamdyq-saıası portaly osydan bir jyl buryn qoǵamnyń ár salasyndaǵy tyń aqparat, tanymdyq oılardy qozǵaý maqsatynda ashylǵan bolatyn jáne sol maqsatta jumys istep keledi. Saıt qazirgi zamanǵy qazaq múddesin jaqtaýǵa, qorǵaýǵa barynsha úles qosýǵa tyrysyp keledi.

Ýaqyty ótse de mánin joımaǵan, kózden ketip, kóńilden kómeskilene bastasa da mańyzyn saqtaǵan tanymdyq oı, taǵylymdy sóz, tartymdy oqıǵalardy jańǵyrtý da saıttyń birden bir maqsaty. Sondyqtan The Qazaq Times portaly qazirgi kezde álemde bolyp jatqan jedel aqparattardy der kezinde jetkizýge jáne túrli deńgeıdegi saıası, ekonomıkalyq, ǵylym-tehnıka baǵytyndaǵy salmaqty oqıǵalardy saýatty saraptap, oqyrmandaryna qajet aqparatty usynyp kelediıý Saýatty aqparat arqyly basqa aqparat kózderine úlgi bolýdy kózdeıdi.

Sharaǵa saıasattanýshylar, BAQ ókilderi jáne İT salasynda júrgen mamandar qatysty. Olar qazirgi kezdegi qazaq saıttaryndaǵy birqatar máselelerdi talqylady. Olardyń arasynda saıttardaǵy aqparatty bir-birinen kóshirý, máseleni tereńinen zertteı almaý sıaqty máseleler kóterildi.