Kýba jetekshisi Raýl Kastro keler jyldyń sáýirinde ornynan ketetinin jarıa etti dep habarlaıdy Qamshy.kz aqparat agenttigi 24.kz-ke silteme bere otyryp. Al memlekettik keńestiń jańa tóraǵasy sol kezde ótetin saılaýda tańdalady. Áýelde saıası shara aqpanǵa belgilengen bolatyn. Alaıda bıyl kúzde oıran salǵan «Irma» daýylyna baılanysty ony keıinge shegerý sheshimi qabyldandy.

 2 mıllıard dollar shyǵyn ákelgen tabıǵat apaty saldaryn joıý jumystary áli kúnge deıin jalǵasyp jatyr. Aıta ketken jón, Raýl Kastro 30 jyl boıy eldiń birinshi vıse-prezıdenti bolǵan. 2008 jyldan beri Kýba memlekettik keńesiniń tóraǵasy laýazymyn atqaryp keledi. Al oǵan deıin Bostandyq aralyn onyń baýyry Fıdel Kastro basqarǵan. Endi sarapshylardyń paıymdaýynsha, Raýl Kastronyń ornyn eldiń qazirgi birinshi vıse-prezıdenti basýy múmkin.