Qyrǵyzstan prezıdenti Sooronbaı Jeenbekov Qazaqstan bıliginiń shaqyrýymen 25-26 jeltoqsanda resmı saparmen Astanaǵa keledi. Bul týraly Bishkekte jýrnalıserge Qyrǵyzstan prezıdenti apparaty syrtqy saıasat bóliminiń meńgerýshisi Aızada Sýbakojaeva habarlady. Bul týraly Qamshy.kz aqparat agenttigi Azattyqqa siltep jazady. 

Sýbakojaevanyń aıtýynsha, sapar barysynda Sooronbaı Jeenbekov Qazaqstan prezıdenti Nursultan Nazarbaevpen kelissóz júrgizedi dep josparlanǵan. Onyń sózine qaraǵanda, sapar barysynda eki el basshylary Eýrazıa ekonomıkalyq odaǵy (EAEO) aıasyndaǵy yntymaqtastyq máselelerin de talqylaıdy.

26 jeltoqsanda Sooronbaı Jeenbekov TMD elderi basshylarynyń beıresmı kezdesýine qatysý úshin jumys saparymen Máskeýge barady. «Beıresmı kezdesýde taraptar kún tártibinde turǵan halyqaralyq jáne aımaqtyq máseleler boıynsha pikir almaspaq» dedi Aızada Sýbakojaeva.

Ótken aptada Jeenbekov Ózbekstanǵa memleket basshysy retinde ret resmı saparmen barǵan.