Almaty qalasy qylmystyq ister jónindegi mamandandyrylǵan aýdanaralyq sotynda eki balany óltirip, tońazytqyshqa salyp qoıǵandarǵa qatysty sot otyrysy ótip jatyr. Alla Volchenko sotta sońǵy sózin aıtty, dep Qamshy.kz aqparat agenttigi Today.kz-ke silteme jasap.

«Qurmetti sot, meni ata-ana quqyǵynan aıyrmaýlaryńyzdy ótinemin. Tuńǵyshym meniń jalǵyzym. Men eki birdeı ulymnan aıyrylyp qaldym. Mundaı jaǵdaıdy eshkimge tilemeımin. Bul orny tolmas qaıǵy. Men óz balalarymdy qatty jaqsy kóremin. Barym da, baılyǵym da solar. Jumystan keıin úıge balalarymdy kórý úshin asyǵatynmyn. Olardyń júzindegi kúlkini kórgim keletin. Meniń bar baılyǵym-balalarym. Men úlken otbasym bolǵanyn armandadym. Óıtkeni ondaı otbasy mende bolǵan joq. Balalarym úshin barsha qıyndyqtarǵa tótep berýge daıar edim. Meniń kesirimnen osyndaı jaǵdaı boldy, óz-ózime kele alar emespin. Bir sátte otbasymnan, eki sábıimnen aıyrylyp qaldym. Azamattyq nekedegi kúıeýimniń osylaı isteıtinin bilsem, osyǵan jol berip qoıady dep oılaısyzdar ma? Meniń bar kinám der kezinde habarlamaǵanymda. Bul áreketim úshin barshadan keshirim suraımyn. Qurmetti sot, qandaı sheshim qabyldasyńyz da meni ata-ana quqyǵymnan aıyra kórmeńiz. Ravıl meniń barym. Ómirimniń máni. Odan jaqyn mende eshkim qalmady. Meni ulymnan aıyra kórmeńiz. Ne bolyp, ne qoıǵanyn túsingende, kesh bolsa da kúıeýime polısıaǵa habarlaý kerek ekenin aıttym», - dedi Volchenko.

Esterińizge sala keteıik, Almatyda jaldamaly páterdegi tońazytqyshtan eki balanyń denesi tabylǵan bolatyn. Keıinnen balalardy óltirdi degen kúdikpen Ózbekstan azamaty ustaldy. Polısıa Almaty qalasynda bolǵan sumdyq oqıǵanyń mán-jaıyn anyqtaǵan edi.