Resmı Ankara 21-22 jeltoqsan kúnderi Astanada ótken Sırıa kelissózderi boıynsha segizinshi kezeńniń nátıjelerine oń baǵa berdi, dep habarlaıdy Anadoly.

Túrkıanyń syrtqy ister mınıstrligi Sırıada zorlyqpen ustap otyrǵan adamdardy taraptardyń kelisimi boıynsha bosatý máseleleri jónindegi jumystardy da atap ótti. Mundaı qadam Sırıadaǵy eki jaqty senimdilikti nyǵaıtady, dep qosty Túrkıa SİM. Bul týraly Qamshy.kz aqparat agenttigi QazAqparatqa súıenip jazady. 

Sonymen qatar vedomstvoda Astanadaǵy kezekti kezeń barysynda osy máseleler boıynsha pikir almasýlar men Idlıbtegi «deskalasıa aımaǵyndaǵy» shıelenisti tómendetýge baǵyttalǵan jumystar jaqsy nátıje berip jatqany týraly aıtyldy.

Sırıa aımaǵyn mınalardan tazartý jónindegi qujatty maquldaý máselesi de osy rette qarastyrylǵan. 2018 jyldyń 29-30 qańtaryna josparlanǵan Sochıde jalǵasatyn dıalog alańyna deıin, Túrkıa, Iran, Reseı sıaqty kepilger elder ókilderiniń qatysýymen osy qalada aldyn ala otyrys ótedi.