Vashıngton Ýkraınaǵa tutastyǵy men egemendigin qorǵaý maqsatynda qorǵanys qarýyn jetkizý týraly sheshim qabyldady, dep habarlaıdy Qamshy.kz aqparat agenttigi reuters.com saıtyna silteme jasaı otyryp.

Derekkózde kórsetilgendeı, Vashıngton mundaı qadamǵa Ýkraınanyń shyǵys bóligindegi separatıstik shabýyldardy joıýǵa kómektesý úshin baryp otyr.

«Biz tek qorǵanys jaǵynan kómek kórsetip otyrmyz jáne de Ýkraına egemendi el bolyp tabylady, sondyqtan da olar ózderin qorǵaýǵa tolyq quqyly», - delingen departament málimdemesinde.

Bul sheshim Ýkraınanyń aýmaqtyq tutastyǵy men egemendigin saqtaýǵa jáne de odan ári agresıany toqtatý úshin qabyldanǵan.

Alaıda, qandaı qorǵanysty nyǵaıtý qajettiligi talqylanbaǵan.

Aıta keter bolsaq, AQSH memlekettik departamentinde jergilikti BAQ ókilderi AQSH prezıdenti Donald Tramp Ýkraınaǵa tankke qarsy zymyrandardy satý josparyn maquldaǵandyǵy týraly jazǵan bolatyn. Qorǵanys quraldarynyń jalpy somasy 47 mıllıon dollardy quraıdy. Onyń quramynda 210 tankke qarsy zymyran men 35 ushyrý qondyrǵysy bar.