Astana ákimdigi aýa raıynyń kúrt ózgerýine baılanysty qala turǵyndary men qonaqtaryn abaı bolýǵa shaqyrady, dep habarlaıdy Qamshy.kz aqparat agenttigi. 

Aýa raıynyń qolaısyzdyǵyna baılanysty, tótenshe jaǵdaılardy aldyn alý maqsatynda, barynsha kóshede abaı bolýlaryńyzdy suraımyz.

Múmkindiginshe úıden shyqpaýǵa keńes beremiz. Burqasyn jel bolǵan jaǵdaıda, dalada qalǵan bolsańyz, qaýipsizdik sharalaryn saqtaýlaryńyz qajet.

Atap aıtqanda, qurylys alańdarynan ary júrip, jarnama ilingen taqtalardan saqtanyp, elektr symdary men aǵashtardan aınalyp ótýlerińizdi suraımyz.

Tótenshe jaǵdaılar departamenti kez kelgen jaǵdaıda 112 nómirine habarlasýyn suraıdy.

Dál qazir qaladaǵy barlyq komýnaldyq qyzmetter kúsheıtilgen rejımde jumys isteýde.