Bıyl Shyǵys Qazaqstan oblysynda bes áleýmettik-mádenı nysan paıdalanýǵa beriledi. Bul týraly oblys ákimi Danıal Ahmetov osy nysandardy salý josparyn talqylaǵan jıynda atap ótti jáne olardyń árqaısysy boıynsha naqty tapsyrmalar berdi, dep habarlaıdy Qamshy.kz aqparat agenttigi. 

Búginde Óskemendegi Ahat Kýlenov kentinde ornalasqan ǵımaratty bir aýysymda 212 adamǵa qyzmet kórsetetin emhanaǵa aınaldyrý boıynsha qaıta jóndeý jumystary júrip jatyr. Qurylys jumystarynyń 90%-ti aıaqtaldy. Oblys ákimi bıylǵy kóktemde kent turǵyndary kópten kútken nysandy ashýǵa tapsyrma berdi.

Osy jyldyń qyrkúıek aıynda Abaı aýdanynda uzyndyǵy 25 metr bolatyn bes jolaqty sýda júzý baseıni paıdalanýǵa beriledi. Bul nysan aýdanda sý sporty túrlerin damytý maqsatynda salynyp jatyr.

Sondaı-aq Shyǵys Qazaqstanda úsh jańa oqý orny paıda bolady. Olar: Aıagóz aýdanyndaǵy 600 oryndyq orta mektep, Úrjaraýdanynyń Maqanshy aýylyndaǵy 320 oryndyq orta mektep jáne Tarbaǵataı aýdanynyń Aqjar aýylyndaǵy 300 oryndyqınternat pen 600 oryndyq orta mektep. Aımaq basshysy atalǵan úsh bilim berý nysanyn jańa oqý jyly bastalǵanǵa deıin qoldanysqa berýdi buıyrdy.

- Úsh jańa mekteptiń qurylys josparyn qaıta qarap, bekitińizder. Qurylys jumystaryn jańa oqý jyly bastalǵanǵa deıin aıaqtaý kerek, - dedi Danıal Ahmetov. - Sonymen qatar, Tarbaǵataı aýdanynda salynyp jatqan 300 orynǵa arnalǵan mektep-ınternatty balalarmen toltyrýdyń jobasyn jasap, maǵan kórsetińizder. Eń bastysy, ınternat bos turmaýy kerek.

Sonymen qatar, aıta ketsek bıyl alty áleýmettik-mádenı nysannyń qurylysy jalǵasatyn bolady. Olar Óskemende salynyp jatqan úsh mektep pen densaýlyq saqtaý salasyndaǵy eki nysan. Atap aıtsaq, gematologıalyq ortalyqtyń jáne Óskemen qalasyndaǵy 200 oryndyq qalalyq balalar aýrýhanasynyń qurylysy .

Sondaı-aq Semeı qalasynda «Abaı-Arena» mádenı-sport kesheni salynady. Onyń qurylysy Qaraǵaıly jańa shaǵynaýdanynda bastalmaq. Qurylys jumystary halyqaralyq standarttarǵa saı salynýda jáne 5 myń orynǵa eseptelgen. Keshenálemdik deńgeıdegi túrli sporttyq jarystar ótkizýge múmkindik beredi.