QR Prezıdentiniń Joldaýynda jańǵyrýdyń negizi retinde qarastyrylatyn adamı kapıtaldyń damýyna basymdyq berilgen. Bul zamanaýı syn-tegeýrinderge jaýap beretin sheshim, sebebi, búgingi postındýstrıaldy damý, ınovasıalyq ekonomıka, bilim ekonomıkasy ǵasyrynda joǵary deńgeıli maman, óz isiniń sheberi kez-kelgen memlekettik artyqshylyǵy bolyp tabylady.
Prezıdent Joldaýynda bilim baǵdarlamalarynyń negizgi basymdylyǵy jańa bilimdi ózgertý men ıgerý, soǵan udaıy beıimdelý bolýy kerektigi aıtylǵan. Bul faktor zamanaýı qoǵamnyń jyldam ózgerip otyratyndyǵymen baılanysty. Inovasıa men jyldamdyq qazirgi álemde básekege qabilettiliktiń basty belgisi. Sondyqtan, álemdegi ózgeristerden qalyspaý búgingi tańda kóshten qalmaýdaǵy eń mańyzdy shart bolyp tabylady.
VR jahandyq korporasıasy sekildi bıznes salasynyń mamandary búginde eńbek naryǵynda kásibı quzirettilik deńgeıi belgili bir mamannyń básekege qabilettiligin bildirmeıdi, sebebi kúndelikti túrli ózgerister oryn alýda dep esepteıdi.
Atap aıtqanda, aldaǵy on jyldyqta jańa tehnologıalar kóptegen mamandyqtardyń joǵalýyna ákelip soqpaq, tyń mamandyqtarǵa suranystar artyp keledi. Naqtylasaq, óndiris, densaýlyq saqtaý, saýda, memleket basqarý salalaryndaǵy aqparattyq tehnologıalarǵa áser etip jatqan Big Data úlken derekter tehnologıasy mamandaryna suranys artyp keledi.
Osy faktordy eskere otyryp, Joldaýda barlyq jastaǵy azamattardy qamtıtyn aldyńǵy qatarly bilim júıesin jasaý týraly aıtyldy.
Menińshe, ár óńirdegi oqýshylar saraılarynyń janynan kompúterler, zerthanalar men 3D-prınterler sekildi barlyq qajetti ınfraqurylymy bar balalar tehnoparki men bıznes-ınkýbatorlardy jasaý sheshimi de óte mańyzdy. Bul jas býynnyń ǵylymı-zertteý men óndiristik-tehnologıalyq ortaǵa beıimdelýine, jańa ári suranysqa ıe mamandyqtar boıynsha bilikti maman daıarlaýǵa septigin tıgizedi, bul ózgerip jatqan jańa álemniń basty talaby.
Osylaısha, Elbasynyń 2018 jylǵy Joldaýynda joǵary deńgeıli ındýstrıaldy sektordy paıdalaný týraly naqty aıtylyp otyr. Árıne, bul kúrdeli másele, degenmen, bul damyǵan elder qataryna kirýdiń birden-bir joly. Prezıdenttiń bilim júıesine óz ınvestısıalyq jobalary men eksporttyq áleýeti bar ekonomıkanyń bir salasy retinde qaraýǵa shaqyrýynyń máni osynda.
Aıman Júsipova,
QR Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń (ÁESI) jetekshi sarapshysy
