«Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly» Qazaqstan Respýblıkasy Prezıdentiniń 2016 jylǵy 5 aqpandaǵy № 190 Jarlyǵyna ózgerister men tolyqtyrý engizildi, dep jazady Qamshy.kz aqparat agenttigi.
Prezıdent qaýlysy Aqordanyń baspasóz qyzmetinde jarıalandy.
QAÝLY ETEMİN:
- «Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly» Qazaqstan Respýblıkasy Prezıdentiniń 2016 jylǵy 5 aqpandaǵy № 190 Jarlyǵyna (Qazaqstan Respýblıkasynyń PÚAJ-y, 2016 j., № 14, 53-qujat) mynadaı ózgerister men tolyqtyrý engizilsin:
1-tarmaq mynadaı redaksıada jazylsyn:
«1. Ortalyq atqarýshy organdardyń (Qazaqstan Respýblıkasynyń Qorǵanys, Syrtqy ister, Qorǵanys jáne aeroǵarysh ónerkásibi mınıstrlikterin qospaǵanda) basshylary jyl saıyn ekinshi toqsan ishinde buqaralyq aqparat quraldary salasyndaǵy ýákiletti organnyń kelisýmen, respýblıkalyq telearnada tikeleı qosylym jáne óńirlermen beınekonferensbaılanysyn uıymdastyra otyryp, jurtshylyq ókilderimen esep berý kezdesýlerin ótkizsin, olardyń barysynda elde iske asyrylyp jatqan reformalar, áleýmettik-ekonomıkalyq damý, strategıalyq josparlardyń túıindi kórsetkishterine qol jetkizý men tıisti salalardy damytý jónindegi mindetter týraly habardar etsin.»;
5-tarmaq mynadaı redaksıada jazylsyn:
«5. Ortalyq jáne jergilikti atqarýshy organdar:
1) esep berý kezdesýleri ótetin kúnnen bir aı buryn ortalyq jáne óńirlik buqaralyq aqparat baspa quraldarynda, resmı ınternet-resýrstarda jáne «elektrondyq úkimettiń» veb-portalynda, onyń ishinde ashyq derekterdiń ınternet-portalynda esep berý kezdesýlerin ótkizý kestelerin jáne aldaǵy esep berýge halyqtyń suraqtary men usynystaryn joldaý tásilderi týraly aqparatty jarıalasyn;
2) esep berý kezdesýleri ótetin kúnnen bir aı buryn ashyq derekterdiń ınternet-portalyna jáne ortalyq, jergilikti atqarýshy organdardyń birinshi basshylarynyń blog platformasyna, sondaı-aq ótinishterdiń basqa da nysandarynda kelip túsken usynystar men suraqtardy jınaýdy, taldaýdy jáne irikteýdi qamtamasyz etsin.»;
mynadaı mazmundaǵy 5-1-tarmaqpen tolyqtyrylsyn:
«5-1. Ortalyq atqarýshy organdardyń basshylary esepti kezdesý aıaqtalǵan kúnnen bastap kúntizbelik on kúnnen keshiktirmeı ótkizilgen esepti kezdesýlerdiń qorytyndylary boıynsha buqaralyq aqparat quraldary úshin Ortalyq komýnıkasıalar qyzmetiniń brıfıńinde sóz sóılesin.».
- Osy Jarlyq alǵashqy resmı jarıalanǵan kúninen bastap qoldanysqa engiziledi.
