Soltústik Qazaqstan oblysynyń Ýálıhan aýdanynda joǵalyp ketken muǵalim óli kúıinde tabyldy, dep habarlaıdy Qamshy.kz aqparat agenttigi «QazAqparat» málimetine súıenip.
Jasy jıyrmaǵa endi ilingen jigitti polısıa men tótenje jaǵdaı, ákimdik qyzmetkerleri bir táýlik boıy izdegen. Aýdandyq İİB bastyǵy Marat Áljanovtyń aıtýyna qaraǵanda, quramyna eriktiler qosylǵan izdeý toby jaqyn mańdaǵy aýyldardyń barlyǵyn teksergen. Aqmola oblysynyń İshki ister departamentine habar berilgen.
«Joǵalyp ketken Bereke aýylynyń 20 jastaǵy turǵyny óz aýlynan 10 shaqyrym jerden tabyldy. Máıitte dene jaraqaty joq. Múrde sot-medısınalyq saraptamaǵa jóneltildi», - dep habarlady SQO İİD baspasóz qyzmetinen.
Bereke aýylynda turatyn muǵalim kúndiz úıinen mektepke shyǵyp, iz-túzsiz ketkeni týraly buǵan deıin habarlaǵan bolatynbyz. Beısenbide atalǵan aýdanda qatty jel turyp, boran soqqan edi.
