Almaty oblysynyń Alakól aýdanyndaǵy Kólbaı aýylynyń ákimi qardy traktormen ózi tazalap júr. Jergilikti turǵyndar aýyl basshysynyń eńbekqorlyǵyna tánti bolyp, vıdeoǵa túsirgen, dep habarlaıdy Qamshy.kz aqparat agenttigi QazAqparatqa silteme jasaı otyryp. 

Erjan Shákerov, Siz ákim retinde traktorǵa otyryp, qar tazalaǵanyńyzǵa namystanbaısyz ba?

Joq, kerisinshe. Men osy Kólbaı aýylynda týǵanmyn. Kindik qanym tamǵan týǵan aýylymnyń halqyna qyzmet etýden eshqashan sharshamaımyn. Qar tazalaıtyn mekemeler bizdiń aýyldyń ishki joldaryn tolyqtaı bilmeıdi. Al men traktorǵa otyryp alyp, jalǵyz adam júretin joldardy da tazalaımyn. Ol jumysym úshin eshýaqytta namystanǵan emespin. Kerisinshe, halqyma paıdamnyń tıgenine rızamyn. Osydan eki kún buryn ǵana qardy tazalap edim, taǵy da jaýdy. Qazir tazalap jatyrmyn — , deıdi Kólbaı aýylynyń ákimi Erjan Shákerov.

37 jastaǵy Erjan Shákerov bes balanyń ákesi. Ol ónerden de kende emes. Óleń jazyp, án shyrqap, dombyranyń qulaǵynda oınaıdy. Al onyń Kólbaı aýylynyń ákimi bolǵanyna 1 jyl 2 aı bolypty.

Aıta ketý kerek, Erjan Shákerov aýylǵa aıryqsha sińirgen eńbegi úshin Prezıdenttiń «Qurmet» gramotasymen marapattalǵan bolatyn. Ol mundaı qurmetke 2017 jyly Táýelsizdik merekesi qarsańynda bólendi. Almaty oblysynyń ákimi Erjan Shákerovke marapatty saltanatty shara barysynda tabystady.