Áleýmettik jelide mahabbat oqıǵasy qyzý talqylanyp jatyr. Árbir áıel turmysqa shyǵyp, sábı súıýdi armandaıtyny ras, «armandamaımyn», - degenderdiń ózi ishteı baqytty otbasyny josparlaıtyny anyq. Alaıda qyzdar óziniń bolashaq kúıeýin ártúrli elestetedi. Keıbireýler «meniń bolashaq jubaıym baı bolsa eken», dese, endi bireýler «aqyldy, meni syılasa boldy», dep oılaıdy. Álemde qansha adam bolsa sonsha pikir bolatyny ras. Alaıda myna bir oqıǵany da ómirlik qaǵıda retinde oıǵa tıgen abzalyraq bolar. Múmkin osyǵan uqsas, tipti osy mahabbat jelisin oqyǵan ıakı estigen shyǵarsyz?!

Kedeı jigit baıdyń qyzyna ǵashyq bolady. Olar únemi aıly túnde de, shýaqty kúnde de kezdesedi. Bir kúni jigit qyzǵa úılenýge qatysty usynys jasaıdy. Jigit qolynda bar aqshasyna tek bir tal gúl satyp alǵan. Óz kúnin áreń kórip júrgen jigittiń kúndelikti tabysy tek keshki asyna ǵana jetken. Usynys jasaý úshin jigit keshki astan da bas tartty. Tańǵy ári túski asty ishýge jaǵdaıy joq jigittiń usynysyn baıdyń qyzy qabyldaı almady. Qyz jigitti qansha unatsa da bolashaǵyn oılaýǵa tyrysatyn.

«Seniń kúndelikti tabysyńdy men bir saǵatta jaratýym múmkin. Biz otbasy bolǵan kezde qalaı ómir súremiz? Men kedeıshilikte ómir súre almaımyn. Sondyqtan meni umytqanyń jón. Ózińniń teńińdi tabýǵa tyrys. Men seni unatam, alaıda biz birge bola almaımyz.», - dep álgi qyz jigittiń usynysynan bas tartady.

Árıne bul qorlyqty jigit ómir boıy umytpaıdy.

Arada 10 shaqty jyl zý etip óte shyǵady. Qyz óziniń burynǵy jigitin ortalyq saýda ortalyqtyń birinde kezdestiredi.

«Qalyń qalaı? Men óte bilimdi azamatqa kúıeýge shyqtym. Ol aıyna 15 myń dollar tabys tabady. Bul jalaqy seniń túsińe de kirmeıtin shyǵar?», deıdi qyz.

Jigit bul sózderdi estip turyp óz-ózin áreń ustaıdy. Qatty ashýlanǵanymen ol eshteńe aıtpaıdy.

Bir mezette álgi áıeldiń qasyna kúıeýi kelip: «Myrza qalyńyz qalaı? Baıqýymsha siz meniń áıelimmen tynysyp úlgergen sekildisiz?», deıdi.

— Qaıyrly kún! Esimińiz?, — dedi ol esine túsire almaı.

— Anýar..., dep kúlimsiredi ol.

— Sizdi kórgenime qýanyshtymyn. Meniń mańyzdy jumystarym bar edi, ruqsat etseńizder men júre bereıin, dedi ol sypaıy qalpymen.

Keıin Anýar áıeline óziniń bastyǵyn tanystyra bastady.

«Meniń bastyǵym 100 mln. dollardan astam tabys tapty, alaıda tym qarapaıym. Onyń ómiri synaqtarǵa toly boldy desedi. Meniń estýim  boıynsha, ol  bir baı qyzdy qatty jaqsy kórgen. Alaıda álgi qyz ony kedeı bolǵany úshin tastap ketipti. Sol kezden bastap ol kóp ter tógip, kóptegen qıynshylyqty artqa tastap jetistikke jetken. Sol sebepti men ony eń aqyldy, bilimdi adam retinde syılaımyn, ári úlgi alýǵa tyrysamyn. Biraq ol óziniń sezimin aıaqqa taptaǵan qyzdan keıin barlyq áıel ataýlydan kóńili qalǵandyqtan áli kúnge deıin úılenbegen. Aıtpaqshy, sen álgi áıeldiń ornynda bolsań osyndaı jigitten bas tartar ma ediń?», dep jymıyp suraq qoıdy Anýar.

Al áıeli ázilge aınaldyryp jiberdi, alaıda ishi ókinishten órtenip bara jatqan edi. «Bári kesh», dedi ol.

Ómir biz oılaǵannan da qysqa. Al sizdiń qaltańyzdaǵy aqsha sizdiń qandaı ekenińizdi kórsetpeıdi. Sol sebepti tákápparlyq pen maqtanshaqtyq árbir adamdy qor qylady. Ómirde bári múmkin...