Investısıalar komıtetiniń tóraǵasy qyzmetine Erlan Qartaıuly Qaıyrov taǵaıyndaldy, dep jazady Qamshy.kz aqparat agenttigi. Bul jaıynda Premer-mınıstrdiń baspasóz qyzmeti habarlady. 

Erlan Qaıyrov 1978 jyly Qaraǵandy qalasynda dúnıege kelgen. 1999 jyly E. A. Bóketov atyndaǵy Qaraǵandy memlekettik ýnıversıtetin támamdaǵan. Mamandyǵy — halyqaralyq ekonomıkalyq qatynastar.

Eńbek jolyn 1997 jyly bastaǵan. 1997–2002 jyldary memlekettik organdarda túrli laýazymdardy atqarǵan. 2002–2006 jyldary QR Premer-mınıstri Keńsesiniń Syrtqy baılanystar bólimi meńgerýshisiniń orynbasary, QR Prezıdenti Ákimshiliginiń memlekettik baqylaý jáne uıymdastyrý jumysy bóliminiń bas ınspektory qyzmetterin atqarǵan. 2006–2011 jyldary ulttyq kompanıalarda túrli laýazymdardy atqarǵan. 2011–2014 jyldary Indýstrıa jáne jańa tehnologıalar mınıstrliginde basqarýshylyq qyzmetterdi atqarǵan. 2014–2016 jyldary Investısıalar jáne damý mınıstrliginiń Investısıalar komıtetiniń tóraǵasy bolǵan. 

2016 jyldyń mamyrynan qazirgi tańǵa deıin ınvestısıalar jáne damý vıse-mınıstri qyzmetin atqarǵan.