Búgin – Búkilálemdik Hıdjab kúni. Oǵan baılanysty qoǵamda kóptegen pikir bar. Bireýler hıdjab kıý jat aǵym ókilderine tán dese, endi bireýler oramal tartýdyń paryz ekenin alǵa tartady. Biraq bizdiń aıtpaǵymyz bul emes. Qazaqstanda Qudaı qosqan qosaǵy hıdjab kıetin juldyzdar bar. Qamshy.kz aqparat agenttigi solardyń tizimin oqyrman nazaryna usynady.
Bekbolat Tileýhan men onyń áıeli
Belgili qoǵam qaıratkeri, jyrshy, ánshi Bekbolat Tileýhannyń tórt áıeli bar. Tórteýinen taraǵan 11 balasy bar. Ol byltyr 50-den asqan shaǵynda uldy boldy.
Aqan Sataev pen Názıra Baqaeva
Tanymal rejıser Aqan Sataevtyń jary Názıra Baqaeva «Alǵashqy mahabbat» fılminde mylqaý qyzdyń rólin somdaǵan. Aqan ekeýi «Allajar» fılminiń túsirilimi kezinde tanysyp, kóńil jarastyrǵan eken. Búginde Názıra bes bala tárbıelep otyrǵan aıaýly jar atanǵan. Instagram jelisinde belsendi. Onyń paraqshasyna 14 myńnan astam adam tirkelgen. Kóptegen oqyrman onyń kıim stıline qyzyǵyp, kómek suraıtyn kórinedi.
Madıar Serikbaev pen Dana Turarbek
Halyqqa «Óner qyrandarynyń» basshysy retinde belgili Madıar Serikbaev pen aktrısa Dana Turarbek ónerde de, ómirde de birge. Olardyń otasqanyna bıyl 11 jyl bolǵan.
Talǵat Jorabaev pen Aıaýlym Jorabaeva
Tanymal ánshi, Altynaı Jorabaevanyń inisi Talǵat Jorabaev áıeli Aıaýlymmen áleýmettik jeli arqyly tanysqan. Islam dinine qarsy sýretke óz pikirin bildirgen Aıaýlymdy jelide otyrǵan Talǵat ta qoldaı jóneledi. Keıin ekeýi jaqynyraq tanysyp, Talǵat Aıaýlymnyń nómirin suraıdy. Alǵashqyda qarsylyq tanytqan Aıaýlym aqyry óz nómirin berip, kózqarastary bir jerden shyqqan soń jaqyn aralasady. Bir jarym jyl telefonmen sóılesken Talǵat pen Aıaýlym eki-aq ret kezdesipti. Olardyń úshinshi kezdesýi uzatýǵa ulasqan.
Rolan Qazret pen Tańsholpan Dármenova
«Melomen» tobynyń ánshisi Rolan Qazret 2013 jyly úılengen. Ol jarymen kezdeısoq tanysqan, otaý qurǵanǵa deıin qolynan da ustamaǵan desedi. Rolan da basqa ánshiler sekildi óz áıeli týraly jıi aıta bermeıdi.
Danıar Eleýsinov pen Alına Qurbanálıqyzy
Ataqty boksshy Danıar Eleýsinov 2014 jyly Alına esimdi arýǵa úılenedi. Olardyń Danıel esimdi uldary bar. Alaıda byltyr Rıo Olımpıadasynyń chempıony áıelinen bólek turatynyn málimdedi. Erli-zaıyptylar aradaǵy túsinispeýshilikke baılanysty ýaqytsha ajyrasýǵa sheshim qabyldapty.
Erdos Qanaev pen Aıdana
«Jigitter» kvartetiniń ánshisi Erdos Qanaev pen Aıdananyń hıkaıasy qyzyq. Olar alǵashqy kezdesýden soń araǵa birneshe jyl salyp tabysqan. Erdostyń aıtýynsha, ol bir kórgennen-aq Aıdanany jar qylyp alatynyn sezgen. Alaıda birinshi kezdesýden keıin Aıdanany joǵaltyp, múldem habarlasa almaǵan. Keıin bolashaq jubaıyn óziniń qaıyn atasy arqyly tapqan.
«Allaǵa shúkir, tapqan soń qaıtyp joǵaltyp almaıtyndaı bekem ustadyq. Taǵy da izdep júretin bes jyl ýaqyt joq dep sóz salyp, ata-anasynyń ruqsatyn alyp, otbasylyq ómirdi bastadym», – deıdi Erdos.
Janqosh Turarov pen Klara Isa
Kásipqoı boksshy Janqosh Turarov 2016 jyly Klara Isamen shańyraq kóterdi. Byltyr ol bir qyzdyń ákesi atandy. Klara da ınstagram paraqshasynda kóptiń kóz aldynda júr. Qazir onyń paraqshasyna jazylǵandar sany 68 myńnan asty.
Dılen men onyń jary
Qazaqstanda keńinen tanymal «Mysterions» tobynyń ánshisi Dılen jeke ómirin jasyryn ustaıdy. Úılengenin óziniń Instagram paraqshasyna ǵana jarıalaǵan. Ol jubaıynyń sýretterin kóp kórsete bermeıdi.
İlıas Harov pen onyń jary
«Mysterions» tobynyń taǵy bir ánshisi İlıas Harov ta óz áıeli týraly aqparatty jarıalamaıdy. Onyń jubaıynyń Taldyqorǵan týmasy ekeni ǵana belgili. İlıas dúrkiretip toı jasamaǵan, tek áıelin týysqandarymen tanystyrý úshin et jaqyndaryn qonaqqa shaqyrǵan. Byltyr bir uly dúnıege keldi.
