Ońtústik Qazaqstan oblysynda kómir baǵasyn qoldan kótergen kásipkerlerge 9 mıllıon teńge kóleminde aıyppul salyndy. Bul týraly Qamshy.kz aqparat agenttigi 24.kz-ke silteme berip habarlaıdy. Olar Shymkent pen Túrkistan qalalarynda, sondaı-aq Arys aýdanyndaǵy bazarlarda kómirdi 20 myń teńgeden satqan. Negizinen onyń naryqtaǵy baǵasy – 10-13 myń teńge. Bul zańbuzýshylyqtardy Tabıǵı monopolıalardy retteý, básekelestikti jáne tutynýshylar quqyǵyn qorǵaý komıtetiniń óńirlik departamentiniń mamandary arnaıy tekseris kezinde anyqtapty. İs jergilikti mamandandyrylǵan ákimshilik sotqa joldandy.

Tabıǵı monopolıalardy retteý, básekelestikti jáne tutynýshylar quqyǵyn qorǵaý komıteti oblystyq departamenti basshysynyń orynbasary Baýyrjan Tashtanov:

– Bul jerde QR Kásipkerlik kodeksiniń 69-babyna sáıkes baǵany ustap turý kelisimder is áreketine qatysty jalpy 13 naryq sýbektisine tergeý júrgizildi. Onyń ishinde 9 naryq sýbektisine monopolıaǵa qarsy zańnamasyn buzýshylyq belgileri anyqtalyp, qazirgi tańda ol boıynsha is materıaldar sottyń qaraýyna joldanǵan bolatyn,-dedi.