Ortalyq saılaý komısıasy Qul-Muhammed Muhtar Abrarulyny QR Parlamenty Senatynyń depýtaty retinde tirkedi, dep habarlaıdy Qamshy.kz aqparat agenttigi OSK baspasóz qyzmetine silteme jasap.
2018 jyldyń 5 aqpanynda Prezıdent jarlyǵymen 2018 jyldyń 1 aqpanynda taǵaıyndalǵan Parlament senatynyń depýtatyn tirkeý boıynsha Berik Imashevtyń tóraǵalyǵymen Ortalyq saılaý komısıasynyń otyrysy ótti.
Ortalyq saılaý komısıasy otyrysynda Qul-Muhammed Muhtar Abrarulyny QR Parlamenty Senatynyń depýtaty retinde tirkeý jóninde qaýly qabyldandy.
Sonymen qatar, otyrysta QR Parlamenti Májilisiniń depýtaty Áshimbaev Máýlen Saǵathanulynyń ókilettiligin toqtatý máselesi qarastyryldy. Depýtattyń ótinish berýi negizge alynyp, M. Ashımbaevtyń QR Parlamenti Májilisiniń depýtattyq ókilettiligi merzimnen tys toqtatylady.
QR Konstıtýsıasy 52 babynyń 5 tarmaǵyna sáıkes, QR 1995 jylǵy 25 qazandaǵy «Qazaqstan Respýblıkasynyń Parlamenti jáne onyń depýtattarynyń mártebesi» týraly Konstıtýsıalyq zańǵa sáıkes jáne M. Áshimbaevtyń ótinishi negizinde, QR Otalyq saılaý Komısıasy QR Parlamenti Májilisine Áshimbaev Máýlen Saǵathanulynyń ókilettiligin merzimnen tys toqtatý máselesi boıynsha usynym jóneltedi.
