Qyrǵyzstannyń Osh qalasynda áıel óziniń 3 jastaǵy balasyna qol kótergen, sonyń saldarynan sábı komaǵa túsken. Bul týraly Qamshy.kz aqparat agenttigi KırTAG-qa silteme berip habarlaıdy.
«Osh qalasynda 24 jastaǵy áıel óziniń 2,8 jastaǵy balasyn temir ojaýmen urǵan. Balanyń jaǵdaıy óte aýyr, komaǵa túsken»,- deıdi Osh qalasynyń İİB baspasóz-hatshysy Zamır Sydyqov.
«Balanyń ish qurylysyna, mıyna zaqym kelgen. Dárigerler balanyń aman alyp qalý úshin barlyǵyn jasaýda. Balanyń anasy sábıdiń jaǵdaıy qatty nasharlap ketkennen soń ǵana aýrýhanaǵa ákelgen. Qazir ol jansaqataý bóliminde jatyr»,-deıdi ol.
Áıel polısıaǵa balasyna qol kótergenin moıyndamaǵan, sábıdiń jaraqatty qulaǵan kezde alǵanyn aıtqan. Áıel ajyrasqan, jalǵyzbasty ana. Atalǵan oqıǵaǵa qatysty qylmystyq is qozǵaldy.
