Qazaqstan-Grekıa ekonomıkalyq jáne tehnologıalyq yntymaqastyq jónindegi Úkimetaralyq komısıasynyń tóraǵalary, Qazaqstan Respýblıkasy Syrtqy ister mınıstriniń orynbasary Roman Vasılenko jáne Astanaǵa jumys saparmen kelgen Grek Respýblıkasy Syrtqy ister mınıstriniń birinshi orynbasary Georgıos Katrýgalos ekijaqty saıası jáne saýda-ekonomıkalyq yntymaqtastyqtyń ózekti aspektilerin talqylady. Grek delegasıasynyń quramyna isker toptardyń ókilderi kirdi, dep jazady Qamshy.kz aqparat agenttigi QR Syrtqy İster mınıstrliginiń baspasóz qyzmetine silteme jasap.
Kelissózder Astana men Afına arasynda ekijaqty yntymaqtastyqtyń barlyq kesheni boıynsha ózara túsinistikti rastady. Birlesken jumystyń perspektıvalyq baǵyttary anyqtalyp, ekonomıkalyq jáne ınvestısıalyq ózara árekettestikti tereńdetý jobalary qarastyryldy.
Eýropalyq Odaqtyń Qazaqstan azamattary úshin vızalyq tártipti jeńildetý máselesine de nazar aýdaryldy. Taraptar vızalyq rásimderdi ońaılatý Eýroodaq pen Qazaqstan arasynda iskerlik, bilim, mádenı jáne týrısik baılanystardy keńeıtýde ózara múddelerge saı keletinin biraýyzdan belgiledi.
Halyqaralyq kún tártibiniń ózekti máseleleri boıynsha keńinen pikir almasyldy, sonyń ishinde Qazaqstannyń BUU Qaýipsizdik Keńesiniń turaqty emes múshesi retindegi qyzmeti, Sırıadaǵy jaǵdaıdy retteý jónindegi Astana prosesi, EO men Eýrazıalyq ekonomıkalyq odaq arasyndaǵy ózara árekettestiktiń perspektıvalary jáne t.b. baǵyttar.
Sapar sheńberinde QR Investısıalar jáne damý vıse-mınıstri Arystan Qabykenov pen G.Katrýgalostyń qatysýymen eki eldiń 100-ge jýyq kásipkerlerin biriktirgen Qazaqstan-grek bıznes-forýmy ótkizildi. İs-shara barysynda Qazaqstannyń Syrtqy saýda palatasy jáne «SEV» grek kásiporyndary federasıasy yntymaqtastyq týraly kelisimge qol qoıdy.
Sonymen qatar, G.Katrýgalostyń QR Aýyl sharýashylyǵy vıse-mınıstri Gúlmıra Isaevamen jáne «Astana» halyqaralyq qarjy ortalyǵynyń basqarýshysy Qaırat Kelimbetovpen kezdesýleri ótti.
G.Katrýgalos Qazaqstannyń Mıtropolıttik aımaǵynyń ákimshilik ortalyǵy men Ýspenskıı kafedraly soboryna bardy. Olardy aralaý barysynda grek qonaǵy Memleket basshysy Nursultan Nazarbaevtyń qoldaýymen salynǵan qurylystyń tarıhymen tanysty. Grekıa Syrtqy ister mınıstriniń birinshi orynbasary elimizdiń ultaralyq beıbitshilik pen dinaralyq kelisimdi nyǵaıtý boıynsha jetistikterin joǵary baǵalady.
