Qaırat Nurtas Janar Doǵalovamen birge beınebaıan túsiredi. Bul týraly "Alash aınasy" Doǵalovanyń prodúseri Baıan Esentaevaǵa silteme jasap habarlaıdy.
Prodúserdiń aıtýynsha, beınebaıan "Sen meni túsinbediń" ánine túsirilmekshi. "Beınebaıan Almatyda erteńnen bastap túsiriledi. Bul ıdeıa Qaırat Nurastyń da, bizdiń de kóńilimizden shyqty. Sondyqtan osyndaı týyndy jasap shyǵýǵa bel býdyq", - dedi Esentaeva.
Onyń aıtýynsha, ánniń beınebaıany aqpan aıynyń sońyna qaraı shyǵyp, otandyq telearnalardan beriletin bolady. Aıta keteıik, eki ánshi bul ándi Qaırat Nurtastyń 3D konsertinde oryndaǵan edi.
Al osyǵan deıin BAQ-tarda Janar Doǵalovanyń Qazaqstannyń taǵy bir ánshisi Aıqyn Tólepbergenmen dýet oryndaıtyny týraly habarlanǵan bolatyn. Ol kezde de Baıan Esentaeva munyń jaqsy ıdeıa ekenin aıtqan edi.
Eske sala keteıik, Janar Doǵalova ótken jyldyń qarasha aıynda Turkvizyon-2014 baıqaýynyń jeńimpazy atanǵan bolatyn. Janar Doǵalova "İzin kórem" ánimen óner kórsetip, 225 bal upaı jınady. Derekkóz: "Alash aınasy"
