Almaty qalasy ákiminiń ókimimen Bilim basqarmasynyń, Tilderdi damytý basqarmasynyń, Jumyspen qamtý jáne áleýmettik baǵdarlamalar basqarmasynyń, Mádenıet jáne muraǵattar basqarmasynyń jańa basshylary taǵaıyndaldy, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasap.
Almaty qalasy Bilim basqarmasynyń basshysy bolyp Gúlnar Hodjabergenova bekitildi. Ol óziniń pedagogtyq qyzmetin 1985 jyly Almaty qalasyndaǵy S. Shákirov atyndaǵy mektep-ınternatta bastaǵan. Túrli jyldary qalanyń birqatar mektepterinde muǵalim, dırektordyń orynbasary, dırektor, sonymen qatar Almaly, Jetisý, Áýezov aýdandarynda bilim bóliminiń basshysy bolǵan.
Buryn Bilim basqarmasynyń basshysy bolǵan Rahat Shımasheva endi Almaty qalasy Tilderdi damytý basqarmasyna jetekshilik etedi. Óz kezeginde Mamaı Ahetov qala ákiminiń keńesshisi bolyp taǵaıyndaldy.
Bulardan ózge, Mádenıet jáne muraǵattar basqarmasynyń basshysy da aýysty. Búgingi kúnge deıin Hanzada Esenova qalalyq máslıhattyń depýtaty boldy, uzaq jyldar boıy A. Qasteev atyndaǵy beıneleý óneri jáne tehnıkalyq dızaın mektebiniń dırektory qyzmetin atqarǵan.
Buryndary Jumyspen qamtý jáne áleýmettik baǵdarlamalar basqarmasynyń, basshysy bolyp Meıirjan Otynshıev taǵaıyndalǵan edi. Ol túrli jyldary Jumyspen qamtý jáne áleýmettik baǵdarlamalar basqarmasynda bas maman, bólim basshysy bolyp istegen, sońǵy 3 jylda osy basqarma basshysynyń orynbasary bolǵan.
