Elimizde shetel valútasymen ıpotekalyq nesıe alǵan 25 myń boryshkerdiń máselesi oń sheshimin tappaq, dep jazady Qamshy.kz aqparat agenttigi.

Ulttyq bank qoldanystaǵy Ipotekalyq turǵyn úı qaryzdaryn qaıta qarjylandyrý baǵdarlamasyn keńeıtýdi qolǵa aldy. Qujatta áleýmettik osal topqa jatatyn azamattardy qoldaý úshin de túzetýler engizilgen. Qazir Ulttyq bank, «Nur Otan» partıasy jáne boryshkerlerdiń basyn biriktiretin qoǵamdyq uıymdar-- birneshe keńes ótkizip júr. Birlestik jetekshileri bul bastamany túıtkildi máseleniń túıinin sheshýge jasalǵan ıgi qadam dep sanaıdy.

«Bul baǵdarlamalarǵa at salysyp, ózimniń usynystarymdy kirgizgenmin «Káýsar bulaq» atynan. Mende áleýmettik jaǵdaıy tómen jandar óte kóp, múmkinshiligi shekteýli jandar kóp, kópbalaly analar kóp. +baǵdarlamada bólimderi óte kóp. Qazir myna dollar jóninde bolǵannan keıin ekinshi etap deıdi ǵoı ol da kóbeıip otyr. Odan keıin jalǵa berý baǵdarlamasy ol da júrip otyr. Ol 20 jylǵa paıyzsyz», - deıdi «Káýsar bulaq» áleýmettik kómek ortalyǵynyń jetekshisi Uldanaı Qambarova.

Qaıta qarjylandyrý baǵdarlamasyna engiziletin ózgeris 2016- jyldyń 1- qańtaryna deıin shetel valútasynda qaryz alǵandardyń máselesin-- túpkilikti sheshýge múmkindik beredi. Qujat-- osy aıdyń aıaǵynda qabyldanady dep kútilýde. Qazirgi tańda qaıta qarjylandyrýǵa 220 mıllıard teńgeni quraıtyn-- 30 myń ótinim qabyldanǵan. Onyń 23 myńnan astamy maquldanypty.

«25 myńǵa jýyq problemalyq nesıelerdi qaıta qarjylandyrý úshin 130 mıllıard teńge bólingen. Qazirgi tańda sonyń 24 mıllıard teńge ıgerilmeı qalǵan edi. Ol qarjyny biz qosymsha bankterge qaıta bólemiz. Osy arqyly qaıta qarjylandyrý qarqyny ulǵaıady. Oǵan qosa, bul aqsha baǵdarlamadaǵy maquldanǵan jáne qaıta qarjylandyrylǵandardyń arasyndaǵy aıyrmashylyqty qamtýǵa septesedi. Jazǵa deıin bardarlama aıasynda maquldanǵan ótinim qaıta qarjylandyrylady», - dedi QR Ulttyq banki Qarjylyq qyzmetterdi tútynýshylardyń quqyqtaryn qorǵaý jáne syrtqy komýnıkasıalar basqarmasynyń basshysy Aleksandr Terentev.