Mánerlep syrǵanaýdan qazaqstandyq sportshylar Elızabet Tursynbaeva men Aıza Mambekova Phenchhan olımpıadasynda qysqa baǵdarlamalaryn oryndady. Tursynbaeva negizgi baǵdarlamaǵa ótti. Al Mambekova jarysty aıaqtady.
Qazaqstandyq Elızabet Tursynbaeva qysqa baǵdarlamada 57,95 upaı jınap, qazir 15-orynda tur. Ol negizgi baǵdarlamada óner kórsetedi.
Qysqa baǵdarlamada Tursynbaeva úshtik rıttberger elementin sekire almady. Al qalǵan úshtik salhov+úshtik týlýp elementin jáne ekilik akseldi taza sekirdi. 21 aqpan 2018 jyl.
Jarystan keıin Tursynbaeva "Birinshi elementti sekirmedim, sondyqtan upaı da tómen boldy. Eki elementti jaqsy sekirdim. Joǵary nátıje kórsetýge bolar edi. Degenmen olımpıadaǵa qatysqanyma qýanyshtymyn. Shat jaraqatyna baılanysty qatysa almaı qalýym da múmkin edi" dedi. 21 aqpan 2018 jyl.
Elızabet Tursynbaeva qysqa baǵdarlamasyn aıaqtaǵan sát. 21 aqpan 2018 jyl.
Elızabet Tursynbaeva bapkeri kanadalyq Braıan Orser jáne anasy Padıshahan Sultanaálıevamen tóreshiler baǵasyn kútip otyr. 21 aqpan 2018 jyl.
Qazaqstandyq Aıza Mambekova mánerlep syrǵanaýdan áıelder arasyndaǵy jekeleı synda 30-oryn aldy. Ol qysqa baǵdarlamada 44,40 upaı jınap, negizgi baǵdarlamaǵa ótken 24 sportshynyń qataryna enbeı qaldy. 21 aqpan 2018 jyl.
Aıza Mambekova olımpıadaǵa Sankt-Peterbýrgte reseılik bapker Alekseı Mıshınniń komandasynda daıyndalǵanyn aıtady. Mıshın Reseıden shyqqan olımpıada chempıondary Alekseı Iagýdın men Evgenıı Plúshenkony jattyqtyrǵan.
Aıza Mambekova úshin alǵashqy olımpıadasy aıaqtaldy. Ol 2022 jyly ótetin Pekın olımpıadasyna qatysqysy keledi.
Aızanyń Qazaqstandaǵy bapkeri Quralaı Ýzýrova shákirtiniń qulamaı syrǵanap shyqqanyna qýandy. 21 aqpan 2018 jyl.
Reseı olımpıadalyq atletteri komandasynyń múshesi Alına Zagıtova qysqa baǵdarlamada 82,92 upaı jınap, álem rekordyn jańartty. Ol birinshi orynda keledi. 21 aqpan 2018 jyl.
2017 jylǵy álem chempıony Reseı olımpıadalyq atletter komandasynyń múshesi Evgenıa Medvedova 81,61 upaımen ekinshi orynda keledi. Burynǵy álem rekordy osy Medvedovaǵa tıesili edi. 21 aqpan 2018 jyl.
Derekkóz: Azattyq radıosy
