Qazaqstan Respýblıkasynyń Din isteri jáne azamattyq qoǵam mınıstri Nurlan Ermekbaev Qostanaı oblysynyń  azamattyq qoǵam ókilderimen kezdesip,  Memleket basshysynyń Qazaqstan halqyna Joldaýynyń negizgi baǵyttaryn túsindirdi. Kezdesý barysynda qatysýshylardyń biri mınıstr Ermekbaevqa suraq qoıyp, Mınıstrlik pen Qazaqstan musylmandary dinı basqarmasynyń arasyndaǵy ózara is-qımyldy bes baldyq shkala negizinde qalaı baǵalaıtynyn surady, dep habarlaıdy Qamshy.kz aqparat agenttigi.

«Biz Qazaqstandaǵy barlyq resmı tirkelgen dinı birlestiktermen, sonyń ishinde Qazaqstannyń eń iri dinı birlestigi - Qazaqstan musylmandary dinı basqarmasymen de syndarly qarym-qatynasta jumys jasaımyz», - dedi mınıstr Nurlan Ermekbaev.

N. Ermekbaevtyń aıtýynsha, mınıstrlik dinı basqarmaǵa ártúrli baǵyttaǵy mańyzdy máselelerdi sheshýde qoldaý kórsetedi.

«Dinı saladaǵy barlyq usynystarymyz ben sheshimderimiz boıynsha biz QMDB basshylyǵymen aldyn-ala konsýltasıalar ótkizemiz, olarmen keńesemiz, sondaı-aq basqa da iri konfesıalar basshylyǵymen keńesemiz. Sondyqtan, Mýftıatpen ózara baılanysmyzǵa bes degen baǵa beremin. Sondaı-aq  Qazaqstandaǵy ekinshi úlken konfesıa bolyp tabylatyn Orys pravoslavıe shirkeýimen de ózara is-qımylymyzdy bes degen balmen baǵalaımyn.  Al, is-qımyl áriptestigimiz belsendi júrmeı otyrǵan ózge konfesıalarmen baılanysymyzdy 4 balmen baǵalaýǵa bolady. Biraq odan tómen emes»  - dep jaýap berdi Nurlan Ermekbaev.

Esterińizge sala keteıik, 23-24 aqpan kúnderi mınıstr Nurlan Ermekbaev Qostanaı oblysyna jumys sapary barysynda oblys ákimi Arhımed Muhambetovtyń halyq aldyndaǵy eseptik kezdesýine qatysty. Sondaı-aq, mınıstr oblystaǵy  birqatar uıymdardy, óńirdegi mádenı jáne rýhanı  nysandardy aralady. Onyń shinde Aımaǵanbetqajy Spanuly atyndaǵy oblystyq meshitine baryp, ımamdarmen kezdesýinde QMDB-nyń oblystyq fılıaly jumysyndaǵy máselelerdi talqylady.