Aqtóbe ákimdigi mańynda bolǵan atys saldarynan bir adam zardap shekti.
Instagram jelisindegi aktobe_zello paraqshasy oqıǵanyń 11 naýryzda Aqtóbe oblystyq ákimdiginiń aınalasynda bolǵanyn jazdy. Oqıǵa ornyna jedel járdem kóligi men polıseı qyzmetkerleri kelip, Abaı býlvaryna ótetin jol jabylǵan.
«Moı GOROD» portalynyń málimetine súıensek, er adamnyń biri ekinshisine oq atqan. Jaralanǵan adam dereý aýrýhanaǵa jetkizildi. Al oq atqandy polıseı qyzmetkerleri izdestirip jatyr.
Aqtóbe oblysy İİD málimetinshe, oq travmatıkalyq qarýdan atylǵan. Ózge derekter áli aıtylmady.
