Jarkent qalasynyń aýdandyq mádınet úıinde Jarkent garnızonynyń bastyǵy polkovnık Sarsenov Saken Shamshýdınulynyń josparyna sáıkes 74261, 2091, 96617 áskerı bólimderi jáne Jarkent qalasynyń qorǵanys ister jónindegi bóliminiń úmitker qyz kelinshekteriniń qatysýymen «Jarkent arýy – 2018» baıqaýy uımdastyryldy. Atalǵan merekelik is – shara boıynsha qyz kelinshekter 5 kezeń boıynsha synaqqa tústi, synaqtardyń ataýy óz ózin tanystyrý, kreatıvti kostúm, ulttyq kıim úlgisi, ónerli arý jáne keshki kóılek úlgileri boıynsha saıys ótkizildi. «Jarkent arýy -2018» baıqaýyna tórelik etý úshin qatysýshylardyń bólimderinen emes, ádil sheshim shyǵarý maqsatynda mádenıt jáne basqa salalardan ádilqazy alqalary taǵaıyndalǵan. Osy merekelik baıqaýǵa óz ónerlerin kórsetýge aýdandyq mádenıet úıiniń bıshileri men ánshileri sahyna tórinde ózderiniń ónerlerin kórsetip baıqaýdy qyzdyra tústi. Ádilqazy alqalaryna unaǵan jáne ózderiniń ádil sheshimin shyǵarýǵa qyıyn bolǵan kezeńniń biri ol úmitkerlerdiń bal tamǵan barmaqtarynan jasalǵan dámdi taǵamdar baıqaýy boldy. Ana bir qolymen besikti terbetse ekinshi qolymen álemdi terbetedi degen maqal osy bizdiń arýlarǵa arnalǵandaı. Tańnyń atysynan sapqa turyp elimizdi qorǵap jýrgen arýlarymyzdyń ónerin baǵalaý ádilqazy alqalaryna ońaı bolmaǵany anyq boldy. Árıne jarys bolǵan soń ol jerde jeńimpaz bolýy kerek. Ádilqazy alqasy barlyq kezeńderdi esepke ala otyryp ózderiniń ádil sheshimimen gran prı júldesin óz ónerimen ózge arýlardan oza túsken 74261 áskerı bóliminiń áskerı qyzmetshisi efreıtor F.Nıazovaǵa berdi, 1-shi oryn 2091 áskerı bóliminiń áskerı qyzmetshisi efreıtor D.Imanbaeva, 2-shi oryndy 96617D áskerı bóliminiń áskerı qyzmetshisi serjant M.Týgelbaevaǵa, 3-shi oryndy 74261 áskerı bóliminiń qyzmetshisi N.Ahtamova bir kisideı júldeli oryndary berilip garnızon bastyǵynyń syılyqtarymen marapattaldy.
«Jarkent arýy -2018» baıqaýy osy jylǵa josparlanǵan aýqymdy sharalardyń biri boldy desek artyq aıtpaımyz. Osy merekelik is sharaǵa at salysyp bir jaǵadan bas, bir jeńnen qol shyǵaryp bir kisideı bolǵan 74261 áskerı bóliminiń áıelder keńesiniń tóraıymy Qazaqstan Respýblıkasynyń Qarýly Kúshteriniń qyzmetkeri M.Meleýpovany Jarkent garnızon bastyǵy óziniń alǵys hatymen marapattady. Baıqaýǵa kórermen bolyp kelgen qoldaýshylarda az bolmady. Kórermenderge arýlardyń myń buralyp bılegen bıleri, bul - bul qustaı shyrqap salǵan ánderi erekshe bir ǵanıbet sezimge baýrap, umtylmastaı estelik qaldyrdy dep tolyqtaı aıtalamyz. Atalǵan merekelik is-shara Jarkent qalasynda alǵashqy ret atalyp ótken, endigi kezekte osyndaı merekelik is - sharalar toqtap qalmaı jyl saıyn uıymdastyrý maqsaty kózdelip otyr.
74261 áskerı bólim komandıriniń
tárbıe jáne ıdeologıalyq jumystar
jónindegi orynbasary maıor M.E.Kýnchaev.
