Reseı bılik basyndaǵylar sońǵy ýaqyttary Táýelsiz Qazaq memleketiniń tarıhı terıtorıasyna qatysty qıynsyz derekterdi jıi aıtýda. Mysaly, jýyrda Reseı dýmasynyń Jıren sarysy (Jırınovskıı) Qazaqstannyń soltústik aımaqtary Reseıdiń jeri, Orta Azıa elderi Uly Reseı Federasıasynyń  federaldy ogrýgteri bolýy tıis degen edi. Artynsha, orys prezıdenti V.Pýtın  " Qazaqstanda buryn-sońdy memleket bolmaǵan" dep,  jýrnalıstermen kezdesý barysynda  aıtqan bolatyn.  "Ózińdi óziń myqty tut, kórshińdi ury tutpa" degen qazaqtyń maqalynda aıtylǵandaı, biz taǵy kórshilerdiń kóldeneń sózderine lám-mım degen joqpyz. Endi mine, Omby oblysy basshylary Soltústik Qazaqstan men terrıtortıalyq aıyrbas máselesin kóterip otyr. Bul týraly "KazTag"  habarlady.    Omby oblysy gýbernatory Vıktor Nazarov pen SQO ákimi Erik Sultanov  shekara aımaǵynda ornalasqan "Rýsskaıa polána"  aýyldyq okrýgine baılanysty ekijaqty  terıtorıalyq aıyrbas jasaýǵa nıetti. SQO ákimi Erik Sultanovtyń Ombyǵa resmı sapary barysynda Omby gýbernatory: "Bizdiń Rýskaıa polána degen aýylymyz bar. Aýyl turǵyndary gýbernıa ortalyǵyna qatynaýy úshin Qazaqstannyń shekarasyn basyp ótedi. Bul  turǵyndar úshin qolaısyzdyq týdyryp otyrǵan másele. Búginde osy shekaralyq aımaqtarda demakrasıa júrgizilýde. Eger osy jerdi Omby gýberıasyna berseńizder, biz dál sol kólemdegi jerdi, tabıǵaty, klımattyq jaǵdaıy sáıkes keletin aýmaqty Qazaqstannyń terıtorıasyna tapsyramyz. Biz eki jaqqa da tıimdi usynysty bastama etip otyrmyz,"-dep málimdedi.