Aıly aqsham, Stambul shahary, Eshkimmen joq syndy shataǵy. Eriksiz esime túsedi, Baldyrly kólderim, baqaly. Topqapy saraıy – patshalyq, Baıazıt dúrlegen baq shaýyp. Bir tegim Kúltegin emes pe ed, Bilmeımin qaı tusta aqsadyq?! Azanshy, múlgigen munara, Teńizde terbelgen Kún ana. Osmanly túrkiniń baqyty, Táńirden tartylǵan sybaǵa. «Ótúken qoınaýy da Altaıda, Úkóktiń jaılaýy da Altaıda. Kúltegin quratyn qaǵandyq, Túrkiniń baıraǵy da Altaıda. Qaǵannan qaǵany almasqan, Altaıda bastalyp alǵashqy án. Sondyqtan tuǵyrym tym bıik, Sodan da rýhym aldaspan! Aqtútek boranyn tútetken, Taradyq Altaıdan, Úkókten. Jalaýyn jaý jyǵa almaǵan, Qaǵany qadamyn qut etken!» ...Osy oımen teńizge telmirem, Osqyryna berdi jel-kúreń. Ctambul, ashtyń-aý kózimdi, Ertekti súımeımin endi men! Dáýletkereı Káp Túrkıa