QR eńbek sińirgen qaıratkeri, dástúrli ánshi Sáýle Janpeıisova qalamyzdaǵy Qanabek Baıseıitov atyndaǵy saz kolejiniń bilimgerlerimen kezdesip,  sheberlik sabaǵyn ótkizdi.

Eń áýeli orkestr quramy birneshe shyǵarma oryndap, buryn-sońdy esh jerde oryndalmaǵan týyndynyń tusaýyn  kesti. Aıta keteıik, atalmysh oqý orny dástúrli án baǵyty boıynsha eki jyl kóleminde shákirt tárbıelep keledi. Nátıjesi kóńil qýantarlyqtaı. Jas óner ıeleri tek elimizde ǵana emes, alys-jaqyn shet elderde  óner kórsetip, júldeger atanýda. Bilim ordasynyń basshysy bul úrdisti bıylǵy jyly da jalǵastyrý josparda ekendigin atap ótti.

Kezdesýge arnaıy kelgen Sáýle Janpeıisova dástúrli án óneriniń  keshegisi men búgini, dástúr jalǵastyǵy, ustazdyq jolyndaǵy qyzyqty sátter men qıyndyqtar jaıly keńinen tarqatyp berdi. Áńgime barysynda “Óner jolynda qıyn kezeńder kóp kezdesedi. Sonyń barlyǵyna tótep bere bilý qajet. Qandaı qyzmet atqarsam da ónerimdi tastaǵan emespin. Sebebi, halyq eń áýeli meni ánshi retinde tanıdy, baǵalaıdy”-dedi.

Sonymen qatar kolej bilimgerlerimen sheberlik sabaǵyn ótkizdi. Olardyń sahna mádenıetin meńgerý deńgeıi, ándi naqyshyna keltire oryndaý, dombyrada oınaý sheberlikterine nazar aýdara otyryp, birneshe paıdaly  keńesterimen  bólisti.