Jalǵyzbasty analardyń jaǵdaıy qalaı? Áıelderge arnalǵan «Ajyraspa» blogynyń avtory Aına Dosqyzy osy saýalǵa jaýap berdi, dep jazady Qamshy.kz aqparat agenttigi. 

«Bizdiń qoǵamdaǵy jalǵyzbasty analardyń jaǵdaıy aýyr. Memleket tarapynan qoldaý qarastyrylmaǵan. Budan bólek, kóptegen er-azamattar ajyrasqannan keıin óziniń jumys ornyn jasyrady. Resmı jalaqysyn kórsetpeıdi», – deıdi ol.

Aıtýynsha, munyń bári – óz balalaryna alıment tólemeýdiń joly. 

«Qazaqstanda 400 myńnan asa jalǵyzbasty ana bar. Bul – bizdiń qoǵamdaǵy asa ózekti máseleniń biri», – deıdi Aına Dosqyzy.

Aıta ketelik, qazir elimizde «Áıeldi aıala» aksıasy ótýde. Sharanyń maqsaty – qoǵamdaǵy názik jandy qaýymnyń bedelin kóterý, turmystyq zorlyq-zombylyqtyń aldyn alý, qazaq áıeliniń qazirgi ortadaǵy problemalaryn ashyq aıtý.

«Áıeldi aıala» aksıasyna Dana Nurjigit, Láılá Sultanqyzy, Baqyt Shadaeva, Aına Dosmuhamedqyzy sıaqty tanymal tulǵalar atsalysyp jatyr.