Búgin almaty turǵyndarynyń aldynda esep bergen ákim Ahmetjan Esimov qalanyń ústimizdegi jyldaǵy jalpy búdjeti týraly baıandama jasady. Ákimniń esebin tyńdaýǵa kelgen jurttyń qarasy mol bolǵany sonsha, tipti zalda ıne shanshar oryn bolmady. Sálemdesýin qazaq tilinde bastaǵan Esimov ary qaraı baıandamasyn orys tilinde jalǵady.
Esimiovtyń aıtýynsha byltyrǵy jyly Almaty qalasynyń búdjeti 352,3 mlrd. teńgege jetipti. Aýqymy jaǵynan iri megapolıs sanalatyn Almaty qalasynda byltyrǵy jylmen salystyrǵanda qaryz alýshylardyń qarasy artyp, 39,6 paıyzǵa ósken. Bul teńgege shaqqanda 6 290, 3 mrld. teńge. Al almatylyq salyq tóleýshiler ústimizdegi jyly memleket qazynasyna 1 trln. 429,1 mlrd. teńge salyq aýdarsa, onyń 307,8 mrld. teńgesi qalalyq búdjet esebine túsken. Ákim myrzanyń statısıkasy osylaı sóıleıdi.
Bir tańǵalarlyǵy Qazaqstan Respýblıkasynyń "Memlekettik tili - qazaq tili" ekendigi Esimovtiń esinen shyǵyp ketken sıaqty. Kópirgen sózdiń kóp bóligin Reseıdiń memlekettik tilinde sóıledi. Tipti orys tilinde qoıylǵan suraqqa qazaqsha jaýap bergen qyzmetkerine zekip te jiberdi.
Soǵan qarap, osy Ahmetjan myrza Qazaqstan Respýblıkasynyń 1991 jyly táýelsizdik alǵanyn bilmeı me degen kúmánǵa qaldyq. Oǵan sebep ótken joly dál Táýelsizdik kúni qarsańynda da óziniń týǵan kúnin toılaýǵa qalanyń syrtyna shyǵyp ketip, barlyq uıymdastyrylǵan sharalar ákimsiz ótken edi. Al búgin baıaǵydaǵy Sovet odaǵynyń bir jınalysynda turǵandaı nemese Máskeýdiń bir túkpirinde esep berip jatqandaı áser qaldyrdy.
Jalpy, statısıka boıynsha (2013 jylǵy málimet) Almaty qalasynyń túrǵyndar sany 1 946,6 myń adamdy qurasa, olardyń 55 paıyzy qazaqtar. Al 64 paıyz almatylyqtar memlekettik tildi erkin meńgergen dep kórsetilgen.
Biz osy másele boıynsha jańartylǵan derekterdi bilmek bolyp, Almaty qalalyq statısıka departamentine habarlasqan ek, sóıtsek qalanyń basshysy túgili qarapaıym qyzmetkerleri de oryssha bilmeseń jaýap qaıtarmaıdy eken.
Jýrnalıs: - Alo, bul Almaty qalalyq statısıka departamenti me?
Maman: -Da!
Jýrnalıs: - Qazaq tilin tilin túsinesiz ǵoı?
Maman: -Net!
Jýrnalıs: - Memlekettik tildi nege bilmeısiz? Siz resmı departamente qyzmet etesiz. Sondyqtan memlekettik tildi bilýińiz kerek emes pe?
Maman: -No razgovarıvat na rýsskom nıkto ne zapreshal je.
Jýrnalıs: - qazaq tilin biletin basqa bireý bar ma?
Maman: Net.
Jýrnalıs: -Sizdiń esimińiz kim jáne qandaı laýazym ıesisiz?
Maman: -Evgenıa.P. spesıalıst
Jýrnalıs:- Sonymen maǵan qazaq tilinde aqparat bere alasyz ba?
Maman:-Imenno chto hotelı?
Jýrnalıs: -Almaty qalasy boıynsha turǵyndar sany týraly jańartylǵan derekter kerek edi.
Maman: -Etot vopros ne k nam. Ý nas net takoı ınformasıa. Izvınıte.
