Almaty oblysynda «Kazakh Invest» qoldaýymen 2019 jyly túrik ınvestısıalarynyń qatysýymen ósimdikterdi qorǵaıtyn quraldardy óndirý boıynsha zaýyt salynady.

Túrik holdıńi «Agrobest Grýp» atynan shetel ınvestory Qazaqstanda gerbısıdter, ınsektısıdter, fýngısıdter, dánderdi ýlaǵyshtar men glıfosatty shyǵarýǵa 30 mln.AQSH dollaryn salady.

«Kazakh Invest» barlyq qajetti ruqsattar men memlekettik qoldaý sharalaryn alýda osy jobany qoldaıdy. Osylaısha, «Kazakh Invest» óńirlik ókiliniń qoldaýymen Almaty oblysy Talǵar aýdanynda ornalasqan «Qaırat» ındýstrıaldy aımaqta osy jobany iske asyrýǵa jer telimi tańdaldy.

Jobalaý jumystaryna ınvestor taıaý arada kirisýdi josparlap otyr. Zaýyttyń qurylysy aǵymdaǵy jyldyń basynda bastalady jáne 2019 jylǵa qaraı aıaqtalady.

Ónimniń 60% paıyzdan astamy ishki naryqty qamtyp alady, qalǵan bóligi Túrkimenstan, Ózbekstan, Qyrǵyzstan jáne basqa naryqtarǵa jiberiledi.

Salynyp jatqan zaýyttyń jalpy óndiristik qýaty jylyna 12 myń tonnaǵa deıin pestısıdterdiń óndirisin quraıdy. Óńirde shamamen 200 jumys orny qurylady.

 Aıta ketsek, «AgroBest Grýp» túrik kompanıasynyń negizi 2002 jyly qalandy jáne ol pestısıdterdiń álemdik naryǵynyń mańyzdy qatysýshysy bolyp tabylady. Óndiristiń jyldyq kólemi 35000 t.pestısıd bolyp tabylady, ónim ISO talaptaryna sáıkes shyǵarylady. «AgroBest Grýp» ónimi Túrkimenstan, Ózbekstan, Qazaqstan, Ázerbaıjan, Grýzıa, Sýdan, Sırıa jáne t.b. ósimdikterin qorǵaıtyn hımıalyq quraldar naryǵynda usynylǵan.