Aqtóbede lıft janshyp óltirgen telejúrgizýshiniń ajaldan aman qalǵan qyzy bas jaraqatymen aýrýhanaǵa tústi, dep jazady Qamshy.kz aqparat agenttigi Ktk arnasyna silteme jasaı otyryp.
Aqtóbede kópqabatty úıdiń lıftinde telejýrnalıst áıel qaza tapty. Aızat Ábdisamattyń aıaǵy jedelsaty esigine qysylyp, tómen súırep ketken. Marqumnyń 3 jasar qyzy anasynyń qınalǵan sátin kózimen kóripti. Qazir osy oqıǵaǵa baılanysty qylmystyq is qozǵaldy.
Qaıǵyly oqıǵa bolǵan lıftige qaraýǵa júregiń daýlamaıdy. 28 jastaǵy Aızattyń qalaı oǵan qystyrylyp qalǵanyn jaqyndary da túsinbeı otyr.
Bir aıaǵy lıft kabınasy men tabaldyryǵy arasyndaǵy qýysqa kirip ketipti. Lıft qozǵalyp ony tómen súırep áketken. Ysqaq Qarasholaqov, marqumnyń aǵasy:
– Trosy úzilmegen deıdi. Negizi jartylaı istep turǵan lıft. Bala biraq ilinip qaldy deıdi. Qaı jaqqa ilinip qaldy, bilmeımiz.
Lıft súırep áketken kelinshek birden kóp jumypty. Al kabına ishinde úsh jasar qyzy bolǵan.
"Jedel járdem jetkende kelinshek kóz jumǵan. Qasynda kishkentaı qyzy jylap otyrdy. Búldirshin shoshynyp qalǵan. Bas jaraqatyn alypty. Ony balalar aýrýhanasyna jetkizdik. Al kelinshektiń aman qalýy múmkin emes edi. Sebebi qan tamyrlarynyń barlyǵy úzilgen. Lıftiniń shahtasymen esik jaqtaýynyń arasynda súıretilgen", - deıdi Aqtóbe oblystyq jedel járdem beketi bas dárigeriniń orynbasary Dastan Panaqyzy.
Osy úıdiń lıftisin baqylaýǵa alǵan kompanıa basshylary ózderine shań jýytpaıdy. Jedelsatyny jaqynda ǵana jańartqandaryn aıtyp otyr.
Kenen Jańabekov, «Jańabek Servıs» PIK tóraǵasy:
– Lıft úzilip ketken joq. Byltyr ǵana jańadan ornattyq. Al osydan 5 kún buryn symdaryn aýystyrǵanbyz. Bir juma jaqsy jumys istep turdy. Buzylǵan da joq.
Qazir ishki ister departamentiniń qyzmetkerleri qaıǵyly oqıǵaǵa qatysty tergeý júrgizýde. Olar kinálilirdi anyqtaıtyn bolady.
Erbolat Sarqulov, Aqtóbe oblystyq İİD baspasóz qyzmetiniń jetekshisi:
– Qazirgi tańda QR QK 278 baby 2 bóligi boıynsha sapasyz qurylys kesirinen adam ólimine ákelip soqtyrý deregi boıynsha qylmystyq is qozǵaldy jáne birneshe saraptama taǵaıyndaldy.
– Qaıǵyly oqıǵadan keıin lıftini mamandar maıystyryp ashqan. Qazir esigi opyraıyp ashyq tur. Qaýipsizdik úshin tek qana myna sary lentadan ózge eshqandaı qorshaý qoıylmapty.
Qaza tapqan Aızat Ábdisamat jergilikti telearnada jumys isteıdi. Tańǵy jáne balalar baǵdarlamasyn júrgizedi eken. Qazir bala kútimine baılanysty demalysta úıinde otyrǵan.
