Elordamyzda 2018 jyldyń jazynan bastap qańǵybas ıtterdi tegin pishtirý qolǵa alynady, dep habarlaıdy Qamshy.kz aqparat agenttigi elorda.info saıtyna silteme jasap.
«Bıyl transformasıaǵa baılanysty konkýrs ótkizip úlgermedik. Biraq qordan 500 basqa qarajat bólindi. 2018 jyldyń maýsymynda taǵy da konkýrs ótkizilip, bıylǵy jylǵa qosymsha satyp alynady. Jyl sońyna deıin 7-8 myń ıtti qamtımyz dep josparlap otyrmyz», — dedi «Astana vetservıs» dırektorynyń mindetin atqarýshy Aıdarhan Arystanov.
Onyń aıtýynsha, bul qańǵybas ıtterdiń popýlásıasyn qadaǵalaýdyń jalǵyz ádisi. Óıtkeni ıt kúshiktegen kezde ıesi qaıda apararyn bilmeı, kúshikterdi qoqys janyna qaldyryp ketedi.
Aıta ketsek, 2017 jyly 4 myń qańǵybas ıt pishtirilgen.
