Búgin – Halyqaralyq sport kúni. 2013 jyly Birikken Ulttar Uıymy Bas Assambleıasynyń sheshimimen 6 sáýir resmı túrde sport kúni retinde atalyp ótedi. Bul bastamany alǵash bop qoldaǵan elderdiń arasynda Qazaqstan bar. Jalpy elimiz táýelsizdik alǵan jyldardan beri bul salada aýyz toltyryp aıtarlyqtaı jetistikterge jetti. Ásirese, óńir-óńirde sporttyq keshenderdiń sany artyp, oǵan kelýshilerdiń qatary eselenip jatyr. Ásirese, buqaralyq sportta aıtarlyqtaı damý bar.
Elbasy 2020 jylǵa deıin el turǵyndarynyń 30 paıyzy sportpen aınalysý kerek degen tapsyrma júktegen bolatyn. Soǵan sáıkes, elimizde jyl saıyn ártúrli deńgeıdegi júzdegen jarystar ótedi. Tipti Qysqy Azıada men Dúnıejúzilik Ýnıversıadany qabyldaý qurmetine ıe boldyq. Al ózimizdiń kásipqoı sportshylar osy jyldar aralyǵynda 6 jazǵy jáne 7 Qysqy Olımpıadaǵa qatysyp, jalpy sany 70-ke jýyq medal oljalady.
