Jaqynda Qamshy.kz portalyna "Reseı Qazaqstannan jer surap otyr" degen taqyryppen maqala jarıalaǵan bolatynbyz. Maqalada Omby gýbernıasy men "Rýsskaıa polána" arasyn baılanystyryp turǵan Qazaqstannyń ıeligindegi jer telimin Reseıge aıyrbas retinde berý týraly jazylǵan bolatyn. Biz óz kezegimizde terıtorıalyq aıyrbas eki jaqqa da utymdy bolýy úshin, Ólgeı men Óskemendi jalǵap turǵan joldaǵy Reseı menshigine tıesili jer telimin suraý kerek dep oı tastaǵan ek. Búgin Reseıdiń Omby Gýbenrıasynyń "Delovoı Omsk" basylymy aıyrbas retinde Qazaqstanǵa berilýi múmkin jer telimderin málimdedi.
Eger resmı Astana men Máskeý bul aıyrbasty maquldasa, Qazaqstannyń menshigine eki birdeı jer telimi ótýi múmkin. Jalpy aıyrbasqa beriletin jer kólemi 2427 gektardy quraıdy. Omby gýbernatory: "Qazaqstan Respýblıkasynyń menshigine kólemi 2427 gektardy quraıtyn úlken bir aýmaqty nemese jalpy kólemi 2402 gektardy quraıtyn eki jer telimin aıyrbastaýdy kózdep otyrmyz",-dedi.
Eske sala keteıik, aqpannyń 13-i kúni Omby gýbernıasyna resmı saparmen barǵan SQO ákimi Erik Sultanov pen Gýbernator Vıktor Nazarov osyndaı kelisimge kelgen bolatyn. Qujattardy rastaý jáne terıtorıalyq aıyrbasqa ruqsat berý úshin tek, qos eldiń basshylaryna júginý qalǵan edi.
