Shotlandıada jan jarasyn emdeıtin qonaq úı ashyldy. ArdochHouse qonaq úıi qonaq kútýdiń erekshe ádisin qolǵa alypty.

5 kúndi qamtıtyn baǵdarlamada meımandar óziniń ishki dúnıesine saıahat jasap, boıyndaǵy erekshe qasıetterdi ashýǵa jáne baqytty sátterin eske túsirýge múmkindik alady. Mundaı "saıahattyń" basty maqsaty – qonaq úıdiń klıentterin jan jarasynan aryltý. Bul usynys jaqynda súıiktisinen aıyrylǵandarǵa, nemese basqa da sebeptermen súıiktisimen baılanysyn úzýge májbúr bolǵandarǵa, tipti, josparyn sátti júzege asyra almaı, kúızeliske túskenderge arnalady. Daily Mail basylymy jazǵandaı, ondaı erekshe qonaqtarmen túrli saladaǵy joǵary bilikti konsýltanttar jumys jasaıdy. ArdochHouse júregi jaralanǵan jandarǵa arnalǵan biregeı demalysty Loh Lomond Ulttyq saıabaǵyndaǵy ádemi jerde uıymdastyrmaq. Mundaı terapıadan bir mezette 20 adam óte alady. 5 kúndik demalystyń quny – 3725 eýro, bul qunnyń ishine qonaq úıge deıingi jol shyǵyny kirmeıdi. Bnews.kz