Jaqynda Ýkraınanyń eks-prezıdenti Vıktor Ianýkovıch Kıevke qaıta oralyp, óziniń jaqtastaryn jınaıtynyn jáne Ýkraına joǵarǵy Radasyn basqarýǵa nıetti ekenin aıtty dep habarlaıdy Qamshy.kz portaly.
Reseılik "TASS" aqparattyq agenttigine bergen suqbatynda Ýkraınanyń burynǵy Prezıdenti Vıktor Fedorovıch ýaqyty kelgende óziniń mindetti túrde Ýkraınaǵa qaıta oralyp, el saıasatyna aralasytynyn, qazirgi bılikke qarsy Ýkraına oppazısıonerlerin jınaıtynyn málimdegen.
Evromaıdanǵa 1 jyl: Kıev bıliginiń aýysýy Ýkraın halqy úshin ne berdi?
"Ókinishke oraı meniń qolymnan eshteńe kelmedi. Saıasat úlken oıyn. Biraq, men óz júrisimdi áli jasaǵan joqpyn. Eldegi krızısti, beıbereketsizdikti, qan tógisti toqtatý úshin Ýkraınaǵa men kerekpin. Jáne men mindetti túrde Ýkraınaǵa qaıtam, qolymnan kelgenniń bárin isteýge tyrysam. Dál qazirgi ýaqyttaǵy mindet-ol soǵysty toqtatý."-dedi Ianýkovıch.
Sondaı-aq, Eks-prezıdent: "Eshbir bıliktiń quny 2014 jylyǵy 21-22 aqpandaǵy qantógisti jýyp-shaıa almaıdy. Qazir Ýkraına múldem qıyn kezeńde. Terıtorıanyń tutastyǵy buzylyp, qanshama jazyqsyz jandar mert boldy. Zań turaqsyz, senimsiz. Qazir Ýkraın halqynyń jaǵdaıyn eshkim oılamaıdy. Báriniń kózdegeni bılik, taq. Qazirgi Prezıdent bılik basyna kelý úshin-osyndaı qurbandyqqa bardy",-dedi.
-Men Ýkraınada qazir bolyp jatqan jaǵdaılardyń bárinen habardarmyn. Tipti, eldegi jaǵdaılarǵa monıtorıń jasaý úshin birneshe márte kisi jibergenimdi de jasyrmaımyn. Áli de jibere berem-,dedi burynǵy Prezıdent.
Ianýkovıch Donbass týraly
"Ýkraınanyń qazirgi bıligine Donesk jáne Lýganskimen kelissóz júrgizýden basqa jol joq",- V.Fedorovıch.
"Qantógisterdi toqtatý, Shyǵys Ýkraına turǵyndaryna teń quqyq berý, sol aımaqtardaǵy jergilikti bılikke ózin ózi basqarý quqyǵyn berý týraly máselelerde Eýropa elderimen Reseı mindetti túrde qatysýy kerek",-dedi Ianýkovıch.
Ianýkovıch bılikten qalaı ketti?
2014 jyldyń 4 aqpanynda Ýkraına joǵarǵy Raadsy Ýkraınanyń eks-prezıdenti Vıktor Ianýkovıchti prezıdenttik mandattan aıyrý týraly sheshim qabyldaǵan edi. Radanyń qabyldanǵan bul sheshimi Ýkraına tarıhyndaǵy tuńǵysh ret Prezıdentti mandatynan aıyrǵan edi. Sheshim talaptary boıynsha, ol tek el basqarý quqyǵynan ǵana emes, barlyq jeńildikterden aıyrylǵan edi. Alaıda, Radanyń qabyldaǵan bul sheshimi Ianýkovıati taqtan qulatyp qana qoımaı, antıkonstıtýsıalyq memlekettik tóńkeristi moıyndaǵanynyń kórinisi boldy. Biraq, Ianýkovıchti prezıdenttikke saılaǵan da, qulatatyn da Rada emes edi.
Ýkraınadaǵy tóńkerisshiler Kıevti basyp alǵan soń, saıası qýdalaýǵa túsken Ianýkovıch Reseı bıliginen pana suraıdy. Qazirgi tańda, ol Reseıdiń Rostov oblysynda turady.
Bılikten keıingi ómir
Ýkraınanyń burynǵy Prezıdentiniń ústinen birneshe qylmystyq is qozǵalǵan. 20 qańtarda Kıev soty Eks-prezıdentti tutqyndaý týraly sheshim shyǵarǵan. Al Interpol Ianýkovıchke halyqaralyq izdeý jarıalap, tutqyndaýǵa jáne Ýkraınaǵa ekstradısıalaǵa buıryq bergen.
Nıkolaı Azarov,
Ýkraınanyń eks-mınıstri:
- Ianýkovıch qandy qol, tıran jáne halyq qolymen jazalanýy kerek. Eger ol Ýkraınaǵa oralatyn bolsa, Lıvıa lıderi Kaddafı taǵdyryn qaıtalaıtyn bolady.
