Qytaı polısıasy 60 myń adamnyń arasynan qylmys jasady degen kúdik taǵylǵan er adamdy tapty. Buǵan Qytaıdyń tulǵany taný júıesi kómektesti. Bul jaıynda BI-bı-sı jazady.

Polısıa kúdiktiń esimi Ao ekenin jáne jasy 31-de ekenin habarlaǵan. Ótken aptada áıeli jáne birneshe dosymen Djekı Chýnnyń konsertine kelgen. Sol jerde tutqyndalǵan.

Er adam konsertke kirer jerdegi beınebaqylaýǵa túsip qalǵan. Ony zaldaǵy óz ornyna baryp otyrǵan kezde qolǵa túsirgen.

Polısıanyń málimetinshe, Ao ekonomıkalyq qylmys jasady dep aıyptalyp otyr.

Aǵymdaǵy jyldyń naýryzynda polısıa temir jol vokzalynda túrli iske qatysy bar 33 adamdy qolǵa túsirdi. Polısıa qyzmetkerleri adamdy tanýǵa kómektesetin kózildirikter paıdalanǵan.

Qytaı jasandy ıntellekt kómegimen tulǵany taný tehnologıasyn damytyp jatyr  jáne óz azamattaryna osyndaı tehnıkalyq quraldardy ıelengen bılikten jasyrý múmkin emes ekenin únemi eske salyp otyrady.