Qatonqaraǵaı aýdanynyń Solonovka aýyldyq okrýgine qarasty Kókózek ýchaskesinde eki shaqyrymǵa sozylǵan geologıalyq jaryq tárizdes jyra paıda boldy. Oǵan kóktemde erigen qarǵyn sý sebep bolǵan eken. Bul týraly jergilikti Altaynews.kz portaly habarlady.
Jyranyń tereńdigi 5-6 metr, eni 4-5 metrge jetedi. Bul jer osydan bir aı buryn ǵana «Jas qanat» sharýa qojalyǵynyń qystaýlaryn bir-birimen jalǵap turǵan oryn edi. Egistikke qaraı jaıylyp, toqtaýsyz aqqan sý joldy jyraǵa aınaldyryp jibergen.
Qazirgi ýaqytta atalǵan sharýashylyqtyń basshylyǵy jyrany topyraqpen toltyryp, joldy qaıta qalpyna keltirýge tyrysyp baǵýda.
