QR İshki ister mınıstri Qalmuhambet Qasymov ýaqytsha jáne turaqty tirkeýge turý endi onlaın rejımde iske asyrylatynyn atap ótti. Bul jaıynda mınıstr búgin Májilistegi Úkimet saǵatynda aıtty, dep habarlaıdy Qamshy.kz aqparat agenttigi.
"2017 jyly qańtarda kúshine engen zańnamalyq ózgertýler kóshi-qondy baqylaýdy kúsheıtýge jol ashty. Bul tirkeý esebin retke keltirý arqyly júzege asýda. Azamattar ózderi turatyn jerge 10 kúnniń ishinde tirkelýi qajet. Turaqty jáne ýaqytsha tirkeýden bastartqan adamdarǵa da qatysty talap kúsheıtildi", - deıdi mınıstr Qasymov.
Sonymen qatar, búginde tirkeýge turý úshin arnaıy HQKO-ǵa barýdyń qajeti joq ekendigin aıtty.
"Qazir ýaqytsha tirkeýge turý úshin Halyqqa qyzmet kórsetý ortalyǵyna barýdyń qajeti joq. Tirkeý onlaın rejımde jasalady. Qazirgi tańda dál osylaı turaqty turatyn jeri boıynsha da onlaın tirkeý engizilip jatyr. Sondaı-aq, qazir tirkeýge turý kezinde turǵyn úı qujattaryn usyný qajet emes. Bul málimet qyzmet kórsetý ortalyǵynda meken-jaı regıstrinen alynady", - deıdi Qalmuhambet Qasymov.
«Úı kitapshasy Ádilet mınıstrliginiń meken-jaıdy tirkeý kodyna baılanystyrylatyn bolady. Ádilet mınıstrligi mundaı kodty bir ǵımaratqa ǵana beredi jáne ol tipti kóshe, aýdan nemese qala ataýy ózgerse de ózgeriske ushyramaıdy. Atalǵan tirkeý kodyna biz úı kitaphanasyn baılanystyramyz. Qazir tirkeýdi bastadyq. Qazaqstannyń 18 mln azamatynyń búginde 5 mıllıony tirkeldi. Ony jyldyń sońyna deıin bitirýge tyrysamyz. Osydan keıin azamattarymyz atalǵan úı kitapshasy negizinde meken-jaıdyń elektrondy anyqtamasyn elektrondy túrde tegin ala alady», - dedi mınıstr.
