Almaty oblysynda taý massasy jyljydy, dep jazady Qamshy.kz aqparat agenttigi. Soǵan baılanysty Kólsaı ózenindegi demalys oryndary elektr jaryǵynsyz qaldy. Bul jaıynda QR İİM TJ komıetiniń baspasóz qyzmeti habarlady.
— 2018 jylǵy 19 sáýirde Almaty oblysyndaǵy QR İİM TJK «Qazseldenqorǵaý» MM «Kólsaı» gıdrobeketiniń baqylaýshylary syrǵyma qaýipti ýchaskelerdi vızýaldy qaraý nátıjesinde qazirgi Kegen aýdanynyń (burynǵy Raıymbek aýdany) aýmaǵynda Saty aýylyna jaqyn mańda taý massasynyń jyljýy oryn aldy. Syrǵymanyń burynǵy oshaǵy jandanýynyń negizgi sebebi jaýyn-shashynnyń mol túsýi men seısmıkalyq yqpal bolyp tabylady, - delingen taratylǵan habarlamada.
