Indıa bıligi 12 jasqa jetpegen qyzdardy zorlaǵan pedofılderdi ólim jazasyna kesý týraly jarlyq shyǵardy. Bul jaıynda The Hindu basylymy habarlady.

Atalǵan jarlyq eldegi balalardy seksýaldy qylmystan saqtaý úshin qabyldandy. Jańa zań boıynsha zorlyq kórsetken qylmyskerge  eń azy 20 jyl beriledi. Mınımaldy túrde – ómiriniń sońyna deıin abaqtyǵa qamalady nemese ólim jazasyna kesiledi.

Al top bolyp zorlyq kórsetilse, qylmys jasaýshylar ómir boıyna sottalady nemese  ólim jazasy taǵaıyndalady.

Budan basqa, 16 jasqa deıingi qyzdardy zorlaǵandarǵa jaza kúsheıtildi - eń tómengi kezeń 10 jyldan 20 jylǵa deıin ulǵaıtyldy. Áıeldi zorlaǵany  úshin qylmysker kem degende 10 jylǵa bas bostandyǵynan aıyrylady.

Úndistan telearnalarynyń habarlaýynsha, atalǵan túzetý balalarǵa qatysty jynystyq sıpattaǵy birneshe qylmys jasalǵannan keıin engizildi. Qazir  sheshim Úndistannyń prezıdenti  Ramý Kovınge maquldaý úshin jiberiledi.

Úndistanda qańtarda 8 jastaǵy qyzdy ǵıbadathana ishinde bir apta ustap, zorlaǵan. Artynsha óltirgen. Artynan jergilikti polısıanyń qylmyskerlerdiń artyn japqany anyqtalǵan. Al bul iske qatysy bar 8 adam tutqyndalǵan.

Sáýirde eldiń Sýrat qalasynda 9-11 jastaǵy qyzdyń denesine  86 jerinen jaraqattalǵan kúıi tabyldy. Jábirlenýshiniń jeke basy anyqtalyp, birneshe bap boıynsha qylmystyq is qozǵaldy. Tergeýshilerdiń aıtýynsha, qyzdy óltirmesten buryn urlap, azaptaý men zorlyq-zombylyq jasaǵan.