Ulttyq ekonomıka eks-mınıstri Qýandyq Bıshimbaev tergeý ızolátorynda ýaqytyn qur ótkizip jatqan joq. Álem ádebıetin oqyp, arab jáne qytaı tilderin úırenip jatyr.

Eks-mınıstrdi qoldaý maqsatynda ashylǵan Facebook-tegi paraqshada Bıshimbaevtyń eki shet tilin úırenip júrgeni týraly aqparat shyqty.

«Túrmede ol álemdegi eń qıyn eki tildi úırenip júr – arab jáne qytaı tilderi. Bostandyqqa shyqqanda adamdar onyń ótkenin esine alyp synamaıdy, básekege qabilettilik qasıetin saqtap qaldy ma, álde joǵaltyp aldy ma, sony sóz etedi», – dep jazylǵan paraqshadaǵy jazbada.

Qýandyq Bıshimbaevtyń áıeli tengrinews.kz tilshisine atalmysh aqparatty rastady.

«Tergeý ızolátorynda arab tilin úırenip jatqany ras. Qytaı tili kúrdeli, ony úırený úshin arnaıy muǵalim kerek. Biraq soǵan qaramastan kúıeýim qytaı ádebıetin surastyryp jatyr. Kóp oqıdy, ásirese álem ádebıetin oqyǵandy jaqsy kóredi.

Aıta keteıik, 2018 jyldyń 14 naýryzynda 10 jylǵa bas bostandyǵynan aıyrylǵan eks-mınıstr ótken aptada sot úkimine shaǵym túsirgen.