VI-shi shaqyrylymdaǵy qala máslıhatynyń HXVII—shi sesıasy barysynda Memlekett basshysynyń Joldaýy men Bes áleýmettik bastamalaryn eskere otyryp Almaty qalasynyń 2018 jylǵy búdjeti naqtylandy. Búdjetti ońtaılandyrý jumystaryn júrgizý jáne salyq túsiminiń artýy arqasynda qosymsha 64,7 mlrd. teńge qarastyryldy.
Almaty búdjeti mańyzdy jobalardy eskere otyryp, barynsha áleýmettik sıpatqa ıe bolýda. Mysaly, «Prezıdenttiń Bes áleýmettik bastamasy» aıasynda jastarǵa qoldaý kórsetý men «Almaty jastary» qalalyq baǵdarlamasy odan ári jalǵasady. Jas otbasylardyń alǵashqy jarnamasyz 5%-dyq nesıemen turǵyn úı alýy úshin 2 mlrd. teńge bólindi.
2859 balany qamtıtyn jeke bala baqshalarda mektep jasyna deıin bilim berýde memlekettik tapsyrysty ulǵaıtýǵa 850 mln. teńge bólindi. Az qamtylǵan otbasylardyń 4 myńnan astam balalary jazǵy demalystarǵa jiberiledi.
Uly Otan soǵysy ardagerlerine Jeńis kúni qarsańynda bir ret beriletin áleýmettik kómektiń kólemi 150 myńnan 250 myńǵa deıin, al olarǵa teńestirilgenderge 30 myńnan 50 myń teńgege deıin kóbeıgen. UOS ardagerlerine aı saıyn kórsetiletin kómek retinde komýnaldyq qyzmet aqysyn tóleý 5,5 –ten 6,5 AEK-ke jetken..
Áleýmettik jaǵynan az qamtylǵan azamattarǵa ortalyq tarmaqtan jeke úılerine deıin gaz tartý (jeke úıdiń ıesi) bir núktege ketetin shyǵyndy bir rettik 100% óteý qarastylyrǵan.
Eńbekpen qamtý ónimdiligi Baǵdarlamasy boıynsha jyl aıaǵyna deıin 3 myńnan astam adam jumysqa tartylatyn bolady.
«Sıfrly Qazaqstan» baǵdarlamasyn oryndaý barysynda bıylǵy jyly mektepter jedel ınternetpen jáne kompúterlik tehnıkamen 100% qamtylady. Qalanyń barlyq densaýlyq mekemelerine aqparttyq júıe engizilip, esepteý formasy qaǵazssyz formatqa kóshiriledi.
Burynnan belgili, Almaty kólikti qaýpsizdendirý, aqparatty engizý jáne sıfrlandyrý boıynsha aldyńǵy qatarda. Qazirdiń óznide qala aýlalary men demalys oryndaryna 115 myńnan astam vıdeobaqylaý kameralary qoıylǵan. Búgingi tańda kólik qozǵalysyndaǵy aıyppul elektrondy formatta tólenýde. Jyl aıaǵyna deıin aıyppul tóleýdi osy ádiske tolyq kóshirý jáne qylmystyq istiń jartysyn elektrondy formatta júrgizý qolǵa alynady.
«OŃAI» elektrondy jolaqy tóleý boıynsha 24 mlrd. teńgeniń 460 mln. tranzaksıasy jasaldy. «A-Parking» jobasyna qalanyń kólik turaǵynyń 10% qamtylyp, salyq túsimi 6 ese ósti. Almatyda bıyl aqyldy baǵdarshamdardy ornatý arqyly jol trafıgin basqarýdyń biregeı ortalyǵyn qalyptastyrý qolǵa alynady. Bulardan ózge, sel qaýpiniń sıfrly monıtorıńi boıynsha JSQ jasalýda.
Kólik salasyn reformalaý aıasynda 2018 jyly qalanyń avtobýs parkiniń úshten biri jańarady. Mysaly,«Almatyelektrotrans» JSHS 199 avtobýs alýǵa qarjy bólgen. 200 avtobýsty «Green Bus company» JSHS jańartady jáne jeke tasymaldaýshylar 131 avtobýs alady. Jalpy, sońǵy eki jyl ishinde qala baǵyttary boıynsha 500 jańa avtobýs jolǵa shyqty.Reısterdiń jıiligi 90% deıin artty, al ınterval 3 ese qysqardy.
Abattandyrý jáne qalanyń turǵyn úı- komýnaldyq sharýashylyǵyn kóreıtý aıasynda ortalyqtandyrý qaǵıdasy boıynsha Medeý, Bostandyq, Túrksib jáne Jetisý aýdandarynyń saıabaqtary retke keltiriledi. «Ylken jáne Kishi Karasý» ózenderiniń jaǵalaýlaryn, jer asty ótpeli joldardy qaıta jasaý úshin qarjy bólindi.
Eger ótken jyly 455 aýla jóndelse, 2018 jyly qalanyń barlyq aýdandarynda taǵy da 585 aýla jańarady. Bulardan ózge,«TÚKSH modernızasıalaý» aıasynda 130 úı kshendi jóndeledi.
