Qazaqstan Respýblıkasynyń aqparattandyrý týraly zańyna sáıkes Aqparat jáne komýnıkasıalar mınıstrligi «Astana – 1» aqparattyq júıesin qurý týraly tehnıkalyq tapsyrmany bekitti dep jazady Qamshy.kz aqparat agenttigi. Bul týraly Aqparat jáne komýnıkasıalar mınıstri Dáýren Abaev búgingi Úkimet otyrysynda Úkimet otyrysynda «2018-2027 jaldarǵa arnalǵan etti mal sharýashylyǵyn damytý» baǵdarlamasynyń tujyrymdamasyn tanystyrý barysynda málimdedi. Dáýren Abaevtyń aıtýy boıynsha, eksport jáne ımport salasyndaǵy lısenzıa men ruqsat qujattary boıynsha 42 málimet beriledi. 

«Bul joba iske qosylǵannan keıin azyn-aýlaq qateler kezdesti. Alaıda qazir atalǵan qateler tolyq joıyldy. Sonymen qatar memleketimizdiń aýmaǵyna radıo-elektrondyq jáne joǵary jıeliktegi quraldardy ákelýge qorytyndy jáne ımportqa lısenzıa berýge yńǵaıly qylý maqsatynda jol kartasy ázirlenip bekitildi. Jol kartasy kelesi jumystardy ońtaılandyrady. Birinshiden, qyzmet kórsetý merzimi 26 jumys kúninen 8 jumys kúnine deıin qysqartady. Ekinshiden, talap etiletin qujattar sanyn azaıtady. Úshinshisi atqarylatyn jumysty tolyǵymen avtomattandyrýǵa deıin kóshýdi kózdeıdi. 2017 jyldyń sońynda memlekettik kirister komıteti «Astana – 1» aqparattyq júıesiniń elektrondyq qyzmetin tolyq engizýge baılanysty arnaıy suranys joldandy. Onda baılanys arnalarynyń ishki jáne syrtqy pýnktaryn ótkizý qabiletin ulǵaıtý týraly aıtylǵan», — dedi Dáýren Abaev. 

Sonymen birge Dáýren Abaev «Astana – 1» aqparattyq júıesiniń jumys isteýi úshin 119 nysanǵa arnaıy baılanys kanaldary qoldanylatynyn aıtty. 

«Olardyń 48 ákimshilik 71 keden beketimen paıdalanylady. Iaǵnı 63 keden beketi jerdegi baılanys kanaly arqyly 8 keden beketi spýtnıktik baılanys arqyly qosylǵan. Qazirgi ýaqytta mınıstrlik ulttyq aqparattyq tehnologıalar aksıonerlik qoǵamy jáne baılanys operatorlary birlesip keden beketine baılanys kanaldaryn ótkizý qabiletin ulǵaıtý boıynsha jumystardy júrgizip jatyr. Osylaısha 2018 jyly 12 keden beketindegi baılanys ulǵaıtyldy. Al bıylǵy jyldyń ekinshi toqsanynda 52 bekettegi baılanys jyldamdyǵy arttyrylymy josparlanyp otyr. Qosymsha 7 beket boıynsha tehnıkalyq múmkindikter qarastyrylyp jatyr», dedi Aqparat jáne komýnıkasıalar mınıstri.