Ózbekstan prezıdenti Shavkat Mırzıaev Tashkentte Túrkimenstan prezıdenti Gýrbangýly Berdimuhamedovpen kezdesip, Birlesken málimdemege qol qoıdy dep habarlady Qamshy.kz aqparat agenttigi Azattyqqa silteme jasap. 

Kezdesýde sonymen qatar aımaqaralyq yntymaqtastyqty damytýǵa, saýda úılerin ashý, iskerlik keńester uıymdastyrýǵa jáne transport, tranzıt, aýyl sharýashylyǵy, ǵylym men tehnıka salalaryna qatysty 17 qujatqa qol qoıyldy.

"Biz eki jaqty yntymaqtastyq jan-jaqty talqyladyq. Sheshilmegen másele qalmady dep aıta alamyn, barlyq baǵyt boıynsha ózara túsinise aldyq. Biz osy negizde eki el arasyndaǵy seriktestikti odan ary damytýdyń keleshegi baryn baıqadyq" dedi Shavkat Mırzıaev.

Túrkimenstan prezıdenti Gýrbangýly Berdimuhamedov Ózbekstanǵa eki kúndik saparmen 23 sáýir kúni barǵan.